صفقات زواج

امبارح كان يوم غريب..رجعت م الشغل وعلى غير عادتى رحت شغلت التليفزيون اللى نسيت حتى قنواته..ولقيت فيلم اجنبى شغال على دبى ون..اسمه

when man loves awomen

البطل آندى غارسيا والبطله ميج رايان وفيه ميج رايان هى زوجة اندى وام لطفلتين وهى مدمنة كحول يتفانى زوجها ف مساعدتها للشفاء من ادمانها ..قصة حب منتهى الروعه..بكتنى ف الاخر لما هى حست انها من كتر اخطائها عايزه تبعده عنها قبل مايكرهها ف عز ماهو بيموت من فراقها وتنتهى اخر لقطه وهو عندها بيسمع كلامها بعد العلاج عن احساسها الرائع ناحيته وبيروحلها ويقوللها وانا كمان كنت بحس انى قصرت معاكى ..كل واحد منهم عايز يجيب الغلط فيه عشان مايجرحش التانى..طبعا دى افلام ...النهارده للمره التانيه ارجع من بره والاقى اختى مستنيه فيلم هندى وقعدت اتفرج معاها على مليونير الحى الفقير..

معلش

انا لازم اكتب البوست ده..رغم ان كلامى اول مره اقدر اقوله علنى كده..بس بجد حد يعرف يعنى ايه ان بنت تتحب؟البنات بس هما اللى يقدروا يحسوا بمدى اهمية ده..عارفين يعنى ايه كل يوم حد يصحى وهو بيدعى انه يتخبط ف حد يحبه ويتمناه جمبه طول العمر؟يعنى تكون جزء من حياة حد مسئول عنها

اصعب احساس لما تكون مجرد سلعه بيتفرجوا عليها العرسان واللى يعجبه الشكل هيشيل واللى مش هيعجبه هيركن البضاعه على جمب لحد ما ييجى غيره يعاينها

كل فتره تتحط البنت ف نفس الموقف

تقعد ف الصالون تقدم مشاريب سخن وساقع وتورته وكيك الباشا ف الصالون زى الديك الشركسى بيراقب ..ولو عجبه الحال بيرجع تانى معجبهوش بياكل ويشرب ويمشى ويقول عدولى

وتبدا البنت تعانى ف صمت من مرارة الرفض..تقف قدام مرايتها كل يوم وتبصلها باستغراب..هى مش وحشه واخلاقها معروفه انها بميت راجل واى حد بيقول عنها كلام حلو لكن ساعة الجد بنتحط ف كفة مطلوب تكونى فائقة الجمال والمشكله ف همسات اللى حواليها اللى بتبقا من تحت لتحت وصعبانه عليهم

كل كام يوم تمر بنفس الشعور وتسكت ..تشوف نظرات التعجب ف عيون اللى حواليها واما تتخنق خالص تعمل عبيطه..ولو حد مايعرفهاش واتعرفوا مثلا ف الشغل عليهامن زميلاتها وسالوها ليه رغم انك اموره وشيكواخلاق ومتجوزتيش لحد الان؟سؤال غبى..ترد تقول نصيب..محدش يقتنع..تكدب وتقول برفض عشان مش مناسبين يردوا بغباء ويقولوا خدى بالك انتى بتكبرى ودلوقتى بتختارى لكن بكره هيتفرض عليكى اى حد والسلام

هى البنت بتختار امتا؟

مش لما الراجل يختارها الاول

يعنى هى مابتختارش

وموافقتها عليه اوقات بتكون اجبار واهو ضل راجل

واما ترفض ان جوازها ده يتم على انه صفقه

تعنس

ليه؟؟

البنت دلوقتى بتتقيم ف نظر العريس بناء على ايه؟ماينفعش يشوف جمالها اللى جواها وبعدين يحكم؟

والله امبارح صحبتى كلمتنى من اسيوط بتقوللى كان جاى عريس ومحترم جدا واخلاق وبعد ماحضرنا نفسنا اتصل وقال مفيش نصيب عشان شاف واحده احلى وعجبته..مش هقول انى واقفه ف صف صحبتى عشان هى صحبتى..بس والله البنت تتحب..بس اللى يعرفها

وهى اموره عاديه بس اموره

رغم ان الاحلى منها دى دى مجرد شكل خارجى

ومحدش من الشباب يرد ويقوللى جمال الروح اهم...ده كلام افلام عربى

انا عشت عمرى كله بحلم بحدوتة الشاطر حسن وست الحسن والجمال اللى هيسافر عشانها سبع بحور وسبع جبال عشان يتقابلوا وهو عمره ماشافها واهى طلعت حواديت

بس دلوقتى مش زمن الحواديت

انا بجد عايزه اعرف يعنى ايه حب ف نظر شباب اليومين دول...اللى لو واحد منهم حب واحده مش بيتجوزها حتى لو ظروفه بتسمح عشان بيخاف تكون كلمت غيره..ولو ناس زى حالاتنا عمرها ماحبت حد ولا كلمت ولد الناس تتشرط عليهم..وف الاخر بنتقيم على اساس جمالى بحت

وناس تانيه بتاخد الجمال وحتى لو البنت كانت مش مؤدبه بيقول اهم حاجه الجمال واوقات البنت بتمثل دور البريئه فتوقعه حتى لو بالغش وينصلح حالها بعد الجواز

بس ده مش صح

زمان اهالينا علمونا ان اللى تكلم ولد عمره ماهيحترمها ولما سمعنا كلامهم الايام دلوقتى بتثبت عكس نظريتهم ورغم ده مش قادرين نتغير ونبقا زى الواقع

البنت عمر ماكان ليها حق الاختيار والفرصه الوحيده للاختيار عندها

هى انها تختار توافق بدل ماتعنس

بس زمن الحواديت رغم انه مش الزمن الحالى لكن احنا عملناه زمننا وعشنا فيه

ياريت نقدر نعيش الواقع ومنتوجعش منه

بس للاسف انا مقتنعه ان الجواز لو مكنش باعتبارات روحيه ونفسيه ومبنى على تفاهم وحب

يبقا ضل الحيطه احسن

ساعات المطر

ساعات المطر وساعات
اوقات بييجى ضعيف
يادوب كام نقطه
تبل وش الرصيف
وتنقش ع الازاز خيالات
ساعات
وساعات يهز الارض
ياخدنا نحضن بعض
نفتح شبابيكنا إزاز وشيش
تقوليلى متخافشى
اقولك متخافيش
ياهل ترى هنموت م البرد
ولا ابتدينا نعيش؟



دى اغنيه لوجيه عزيز..حبيتها اوى
ووجيه عزيز فنان بدأ مشواره الفنى حوالى عام 1988
فنه متاثر بسيد درويش والرحبانيه وهو فنان متميز جدااااااااااااا
هو من اصول صعيديه ومن عائله متاثره بالفن سواء نحت او رسم او موسيقى
لم يختار الموسيقى بل حسب قوله هى التى اختارته
هذا الرجل بإختصار شديد
فنااااااااااااااااااان
لينك اغانيه
اهوه
http://www.sm3na.com/singer670.html

واثقه تمام انه هيعجبكم

خاصة اغنية المرايه دى للمكتئبين

واغنية نفس الاحساس ودى للمتفائلين

ههههههههههههه

وبلاش تيجوا المدونه دى الله يخليكو وتعالولى ف مدونتى التانيه عشان مش بحب اجى هنا كتير

بس باجى عشانكم

هنا بيتى الاول..بنيت تلك المدونه لتحتوى شيئا مسجون بين ضلوعى ..يتكور فى قلبى صامتا..يلتحف الصمت والالم..اشياء واشياء شتى كتبتها هنا..هنا بكيت..وهنا ضحكت..هنا تناسيت وجعى..وهنا شاركت الكثيرون فرحى..لم اعر الايام اهتماما هنا..حتى صدمنى الواقع فهربت من تلك الفتاه الرقيقه داخلى..هربت لاكون فتاة حانقه على كل شىء..غاضبة ممن سلبوا ايامى..بينما لا املك اختيار..لا بامكانى هجرهم ولا احتمال الحياه معهم..والواقع يثبتنى ف ارضهم اكثر..انا هنا الان لابكى..نعم جئت ابكى..جئت احتمى بجدران بيتى من طرقات شتاء نفس قاتل..من صقيع عالم لم يعرف الدفء يوما..انا هنا لاننى اكاد اضل طريقى الى ذاتى

لا اعرف من انا..لم اعد اثق بمقولة نزار قبانى..شعرى انا قلبى ويظلمنى من لايرى قلبى على الورق..منذ متى وقرأنى احد؟

اود لو كان بإمكانى اخراج قلبى من بين ضلوعى وتمزيقه الى الف قطعة أذروها مع الريح علها تنبت اشجار او ورودا..علها تهرب من ذاك العالم لتحكى قصتى الى اقوام اخرون..فيبكوننى..انا الان مستسلمة جدا لاحزانى التى ولدت معى دونما ارادة منى..اغمض عيناى وصوت فيروز يدق فى عقلى واود لو اتى الموت الان فيختطفنى..قد يكون عالمى بالموت افضل..لكن مابالى لا اود الموت..اود انتظار المجهول فقد يأتى فيه املا لى..انا هنا الان لاقول لنفسى..انتى هنا حيث كنتى من بضعة اشهر..حيث كنتى طفلة لا تعرف من حقائق ذلك العالم شيئا سوى الغضب النائم فيكى..والان ..قد صرتى واحدة اخرى مشحونة باشياء شتى..هل تعودين..ام ماعدتى تعرفين الطريق للعوده؟

من غير معنى

هل هناك من احد يمكنه ان يخبرنى ما هى الوحده اتراها ذلك الشىء الذى احسه..ذلك الخوف من المجهول..الاشتياق لان تلقى نفسك بين ذراعين دافئتين لايهم ان كانا هذان الذراعان ذراعا بشر ام ذراعا شبح اخترعه خيالك فى ليلة شتويه بردها ينخر العظام او فى ليله يدق الهجر فيها على جدران قلبك فلا يجيبه سوى الفراغ الموحش الذى يحتل قلبك..
اتلك هى الوحده..ام هى ذلك الحزن الذى ينتابك فجاة امام مشهد رومانسى للغايه يعرض فى احد الافلام العاطفيه..ام هى الغضب الذى يثور داخلك فجاة حينما تتذكر احدى الذكريات التى تطرق على باب قلبك بقوة لاتوصف
ما هى الوحده؟؟؟؟؟؟؟؟؟؟؟؟
اهى كونك تحيا وكانك لاتحيا..ام ذلك الكون الخالى من الجاذبيه الذى يحيط بك
اوتراه كونا انت بنيته لنفسك..ليكون لك شىء خاصا بك وحدك وكانك تقول للبشريه انك حى فصنعت عالمك العائم ف الهواء...عالم لا يربط بينك وبين اى شىء اخر او بينك وبين احد ما..اسميته الوحده؟
اتراها فقاعه هوائيه اجبرنا على العيش فيها رغما عنا..؟
ام تراها وهم لا وجود له..اعتقد ان الوحده هى الاحساس المقترن بى الان

قل لى ولو كذبا

على الشاشة امامى اطلت صورتك ،تلمستها باصابعى

وكأننى ابغى تلمس بعض الدفء فيها..تخيلتها تبتسم لى وحدى وفجأه رأيتها تبتسم ..

توردت وجنتاى ،

سحبت اصابعى بسرعة الى جابنى واسرعت الى دولابى العتيق اتناول منه وشاح القيته على ذراعى المكشوفتان

تصورت تلك العينان الآتيه من شاشة حاسوبى تراقباننى

عدت الى مقعدى الجلدى دققت النظر

الصورة ساكنه لاروح فيها

سحبت وشاحى والقيته على الفراش القريب

حررت شعرى من عقدته ورحت اكتب فى الصفحة البيضاء كلمات ماخرجت لاحد سواك

احبك مابها كلمة ترجنى رجاتبعثر محتويات غرفتى وتقلبها الى ملاهى

واراك بجوارى تشاطرنى ضحكاتى الطفوليه العابثه تتشبث بيدى وكأننى سأضيع منك

تخطو معى تجاه الارجوحة ذات السلاسل ترفعنى وتضعنى بكل اهتمام على المقعد المتأرجح

تراقبها وهى تاخذنى بعيدا عنك وتدور بى

تتعلق بك عيناى

ورغم سعادتى اشعر بالدمع يغزو عيناى

كم اكره ان نفترق ولو لثوانى

حينما تقف الارجوحه اسارع بالهبوط لالقى نفسى بين ذراعيك

هاهنا ياسيدى موطنى بين ذراعيك

فى عطرك اذوب واتلاشى حتى اصبح ذرات غير مرئيه

ذرات تختفى تدريجيا لتعود لتتجسد ذاتى فى تلك الغرفه

وامام تلك الشاشه الساكنه اعود انالاتطلع لصورتك المنبثقة منها وشفتاى مازالتا تتمتما

احبك وانت مازلت فى سكونك فوق الشاشة الصماءلا تهمس لى وانا ايضا احبك

اعتذار

الى كل من قرألى حرفا اعجبه او لم ينل اعجابه..الى من شرفوننى يوما بزيارة مدونتى..كان لابد ان اعتذر منكم على الابتعاد عن الكتابة والقراءه لفتره قد تطول ..حيث اشار على طبيب بمعالجة حساسيتى للبشر..وقال آخرون بضرورة استئصال رومانسيتى..فارتأيت ان مكمن ضعفى فى خيلاتى الرابضه فوق سطورى..ولانها العله فكان لابد ان ابتعد عنها حتى ابرأ من مرضى ذاك
سيكون دعائى فى الصلوات الاتيه فى كل سجدة منها ان اكون مثل باقى البشر..بقلب ذو نبض منتظم وتفكير عقلانى لا يعرف اى خيالات..او خيالات لا تجمح بعيدا فوق ارض الواقع..
حتى ابرأ من رومانسيتى ومن سماجتى فى اقتحام خصوصيات البشر..وقلة استيعابى لاشياء ومواقف تبدو اكبر من فهمى..وحتى اعالج كل مواطن ضعفى..حتى امزق كل حواديتى لاضع بدلا منها ارقام وسطور واقعيه..
حتى اقهر احترامى للحواديت وللشاطر حسن..وكل ما كتبت عنه..حتى افقد ذاتى
فهذه المدونه مقفلة حتى اشعار اخر
فلتدعو لى ان اصبح شخصا اخر

شخابيط

يعنى ايه كلمة وطن..اغنيه غناها فؤاد زمان..انا بقولها يعنى حبيب ترتاحله..وحلم تحلم تحققه جمبه..ودنيا تتمنى تمر ايامها وانت معاه
..
ممكن افضفض بكام كلمه..مش شعر ومش خواطر ومش قصه ومش اى حاجه خاااااااااالص


وطن
يعنى حلم يعيش هناك
وحب ميعرفش امتلاك
ولااى شىءبيجيب هلاك
وبعدين معاك؟
ياقلبى قلنا بلاش خيال
فيه اللى قال الحب ليك بقا شىء محال

بقا سمكه عايمه فوق رمال
وانت عنيد
مخلوق حديد
ابتسم واعمل رتوش
اسكتش فاضى ياقلبى انت
فى اللون مالوش
لأ..انت قلبى مهما كان
وانا أدرى بيك
انت ياقلبى مخلوق عشان
انا احيا فيك
لو كانوا يوم خيرونى بينك انت وبين وطنهم
طبعا انت ملوك جروح ولفين تروح؟

بس عارف
كنت برضو اختارك انت
بجروحك انت
وباللى بيك
ولو قالولى ده قلب مات !
مش هروح واخد عزاك
همشى واقول للناس حرام
الحلم يدبل فوق سطورى بغير كلام
حرام يا ناس
يبكى الالم جوايا ويموتنى
والناس تهادن فيا وتسكتنى
ميعرفوش
الضحكه دى مش سعاده
قول حلاوة روح
قوة اراده
قلبى
بيدارى حزنه من الوشوش
ياما اتوجع ياما اتخدع
ولا أن يوم ولا قال بلاش
واهو النهارده راح بلاش
مات ولا عاش
مايهمكوش