dream

dream
am yours

الأحد، 9 أغسطس، 2009

اعتذار

الى كل من قرألى حرفا اعجبه او لم ينل اعجابه..الى من شرفوننى يوما بزيارة مدونتى..كان لابد ان اعتذر منكم على الابتعاد عن الكتابة والقراءه لفتره قد تطول ..حيث اشار على طبيب بمعالجة حساسيتى للبشر..وقال آخرون بضرورة استئصال رومانسيتى..فارتأيت ان مكمن ضعفى فى خيلاتى الرابضه فوق سطورى..ولانها العله فكان لابد ان ابتعد عنها حتى ابرأ من مرضى ذاك
سيكون دعائى فى الصلوات الاتيه فى كل سجدة منها ان اكون مثل باقى البشر..بقلب ذو نبض منتظم وتفكير عقلانى لا يعرف اى خيالات..او خيالات لا تجمح بعيدا فوق ارض الواقع..
حتى ابرأ من رومانسيتى ومن سماجتى فى اقتحام خصوصيات البشر..وقلة استيعابى لاشياء ومواقف تبدو اكبر من فهمى..وحتى اعالج كل مواطن ضعفى..حتى امزق كل حواديتى لاضع بدلا منها ارقام وسطور واقعيه..
حتى اقهر احترامى للحواديت وللشاطر حسن..وكل ما كتبت عنه..حتى افقد ذاتى
فهذه المدونه مقفلة حتى اشعار اخر
فلتدعو لى ان اصبح شخصا اخر

هناك 8 تعليقات:

ضحكات الحياة يقول...

السلام عليكم

زهره ربيعية
ما اتعودتش منك على انكسار او ضعف
اتعودت منك على الروح المرحة الجميلة

و بعدين معلش هاطول عليكى شوية
فاستحميلينى

ضحكات الحياة يقول...

اولا
أحب اتكلم معاكى كصديق أو اخ صغير علشان ان صغير فى السن
هههههههههههههههه

أنا بنبه أنا مش دكتور نفسانى
هههههههه

ضحكات الحياة يقول...

يعنى ايه حساسيتك للبشر أو استئصال رومانسيتك

هى مش حساسيتك للبشر بس حساسيتك لنوع معين من البشر و ده العادى بتاع كل الناس
أما الرومانسية فيا ليت الانسان يلاقى الرومانسية اليومين دول حد طايل

فين من سطور يومياتى حلاوة أول مرتب
طيب و الله العظيم انا نفسى حسيت بالفرخة معاكى

ضحكات الحياة يقول...

بقلب ذو نبض منتظم وتفكير عقلانى لا يعرف اى خيالات..او خيالات لا تجمح بعيدا فوق ارض الواقع

طيب يبقى ابداع الفنان فين و انا اعرف انك رسامة
تكون قيمة الرسام ايه من دون الخيال و هو اهم حاجة ايوة لازم يكون واقعى برده بس اكتر واقعية الانسان عايشها هى حياته نفسها شغله مواصلاته عائلته تعامله بالكامل

وقلة استيعابى لاشياء ومواقف تبدو اكبر من فهمى
ده العادى بتاع الانسان و الانسان عايش علشان يتعلم و يفهم فلازم يقابل مواقف جديدة ممكن تكون اكبر من فهمه بس لازم يتعلم منها

وحتى اعالج كل مواطن ضعفى
هو فى انسان من غير مواطن ضعف ده مستحيل لو كان الانسان مش ضعيف كان ممكن الشيطان يوسوسله كله عنده نقاط ضعف بتختلف من شخص لاخر بس موجودة

اما الشاطر حسن
ده الحلم بتاع كل بنت انها تقابل الشاطر حسن اللى يخدها على الفرخة بتاعته و يطير هههههههه
زى ما حلم كل ولد انه يلاقى سندريلا و يعيشوا مع بعض عند ابوها فى ايجار جديد هههههههههههه

ضحكات الحياة يقول...

بالنسبة للدعاء
ربنا يوفقك و يهديكى و يرزقك الزوج الصالح و الذرية الصالحة
و ربنا يكرمك يا رب

صديقك و أخوكى الصغنن عمرو

ضحكات الحياة يقول...

اخر حاجة
هو انتى ممكن تاخدى فترة نقاهة كده و راحة
و حاولى بالليل كده بعد كوباية الشاي باللبن
متفكريش فى حاجة خاااااااااالص
و ابقى قوليلى الطريقة دى هتنجح ولا لأ علشان اجربها ههههههههههه
مستنى ردك

عمرو يقول...

ليه كده يا زهرة؟
:(

عطش الصبار يقول...

ليه كدا يازهره
ليه كميه الياس والاحباط دى
طيب تفتكرى لما تتخلصى من الاشياء الجميله اللى بتكون شخصيتك هتعرفى نفسك خليكى نفسك ما تغيريهاش
حد يتخلص من الجمال حتى لو ماحدش شايف روحك دى مش مهم فيه كتير هيشوفوها لاتتوقفى يا ابنتى عن العطاء عن الاحساس بالجمال لاتحرمينا من كلماتك وريشتك
فى انتظار المزيد وفى انتظار ان تعبرى جسر الحزن
تقبلى تحياتى