dream

dream
am yours

السبت، 8 أغسطس، 2009

شخابيط


يعنى ايه كلمة وطن..اغنيه غناها فؤاد زمان..انا بقولها يعنى حبيب ترتاحله..وحلم تحلم تحققه جمبه..ودنيا تتمنى تمر ايامها وانت معاه
..
ممكن افضفض بكام كلمه..مش شعر ومش خواطر ومش قصه ومش اى حاجه خاااااااااالص


وطن
يعنى حلم يعيش هناك
وحب ميعرفش امتلاك
ولااى شىءبيجيب هلاك
وبعدين معاك؟
ياقلبى قلنا بلاش خيال
فيه اللى قال الحب ليك بقا شىء محال

بقا سمكه عايمه فوق رمال
وانت عنيد
مخلوق حديد
ابتسم واعمل رتوش
اسكتش فاضى ياقلبى انت
فى اللون مالوش
لأ..انت قلبى مهما كان
وانا أدرى بيك
انت ياقلبى مخلوق عشان
انا احيا فيك
لو كانوا يوم خيرونى بينك انت وبين وطنهم
طبعا انت ملوك جروح ولفين تروح؟

بس عارف
كنت برضو اختارك انت
بجروحك انت
وباللى بيك
ولو قالولى ده قلب مات !
مش هروح واخد عزاك
همشى واقول للناس حرام
الحلم يدبل فوق سطورى بغير كلام
حرام يا ناس
يبكى الالم جوايا ويموتنى
والناس تهادن فيا وتسكتنى
ميعرفوش
الضحكه دى مش سعاده
قول حلاوة روح
قوة اراده
قلبى
بيدارى حزنه من الوشوش
ياما اتوجع ياما اتخدع
ولا أن يوم ولا قال بلاش
واهو النهارده راح بلاش
مات ولا عاش
مايهمكوش

هناك 11 تعليقًا:

ضحكات الحياة يقول...

السلام عليكم

اولا
تحيات على البوست و الكلمات الجميلة جدا
بس فعلا كلمات حقيقية
نابعة مش من انسان بل من ملاك

ضحكات الحياة يقول...

و اخد كمان ثانى تعليق

عجبنى قوى المقطع الأخير بتاع

بيدارى حزنه من الوشوش
ياما اتوجع ياما اتخدع
ولا أن يوم ولا قال بلاش
واهو النهارده راح بلاش
مات ولا عاش
مايهمكوش

دومتى مبدعة

ضحكات الحياة يقول...

ينفع أقول ألوا و مفيش ثانيا

ثانيا
الضحكه دى مش سعاده
قول حلاوة روح

فعلا حلاوة الروح هى الأهم فى الانسان

بس برده لازم شوية ضحك

زهره ربيعيه يقول...

على فكره اللى تستغربله انى مرحه جدا وفوق العاده كمان ووالله ده مش كلامى ..ده كلام اللى حواليا
بس تقول ايه..اوقات كده بنفكر نتقوقز..على راى استاذى عمرو
بس جميل انك بتحب رقم تلاته..اصلا انا حوت..مواليد شهر تلاته يعنى..وبتفائل بالارقام الفرديه
شرفتنى بجد واتمنى ان كل اللى اكتبه يعجبك

Isolde يقول...

زهورتي... و حشتيني، بقالي مدة ما جتش عندك، بس انت عارفة اللي فيها. المهم، اولا النيو لوك ده عاجبني اوي اوي، اصل بحب اللون الpurple ده. علي فكرة انا كمان بحب منير و فيروز، بس فيروز اكتر.

كلماتك يا زهرة فيها كتير جه علي كام وتر كدة، اهو. عموما هالف لفة و ارجعللك تاني، انا بجد مش عارف اجمع كلام علي بعضه :)

بحب الحكومة يقول...

ايه الابداع ده

الاحساس عالى قوى

والوطن لو كان بيسمع ويشوف كلامك بجد هيهزه

لانه صادق بدون رتوش كاذبة


تقبلى مرورى

زهره ربيعيه يقول...

ايزولدى حبيبتى..لا لا لا كنت هزعل منك لو مشيتى من غير ما تيجى..
بقا ياعسل انت نبقا جيران ف بلد واحده وما اشوفكيش قبل ما تمشى..؟
ثم انا عشانك انا اخليها
purple
اربعه وعشرين ساعه..هههههههههه يالا ماهو متوفر عندى بكثره
والله بفرح لما الاقيكى هنا..نورتينى

زهره ربيعيه يقول...

استاذ هانى..اهلا وسهلا بيك..فينك ياعم..؟
لالالا مش معقول كلامى الشخابيطى ده ييجى حاجه جمب كلام حضرتك
دانا بس كنت كده ضاربه بوز بسبب كام حاجه مضايقانى..وحبيت اعمل متقوقزه كده..فتقوقزت
بس طبعا ده شخابيط زى ما باين من عنوانها
بس حضرتك راقى ف اللى بتكتبه
فنان كلمات راقيه حضرتك

عطش الصبار يقول...

زهره ربيعيه
اولا اعتذر لانى اتاخرت فى الرد على زيارتك الجميله لمدونتى لانى كنت مسافره الولايات المتحده وطبعا ما كانش معايا لاب توب لكن بعد ما استقريت نفسيا لان السفر ده تجربه انسانيه تكون مؤلمه وخاصه لو كان السفر نحو المجهول
المهم فرحت قوى بزيارتك وخصوصا لما تكون من فنانه عارفه الالوان بتكون كل جمله بتكتبها لوحه فنيه
اشكرك على زيارتك واعذرينى لو اتاخرت فى اى تعليق لحد ما ارجع مصر واستقر
تقبلى تحياتى

واحده من الناس يقول...

عطش الصبار
بجد يا امى وحشتينى
ووحشنى كلامك ونفسى الاقيكى وتاخدينى ف حضنك

علي أحمد وائل علي الحكيم يقول...

أنا وطنك ..... أنا من هيأ لك جلده ليكون بساطا تفرشيه تحت جسدك حتي يرتاح و يستكين .... أنا من جندت كل خلية في جسدي لتدافع عنك من كل ما قد يمسك من سوء حتي من هواجسك الداخلية ..... أنا وطنك الذي سخرت لكي أحتويك و أتفهمك و أقرأ أفكارك و أحن عليك و أتبسم لك و أزيد من قوتك .... أنا وطنك ... كنت دوما , كائن حاليا , سأكون للأبد .... وطنك الأوحد