حب جامد :)

وقفت جمبك من البدايه وانا جمبك للنهايه

كلام الناس دا كله ولا بيفرق معايا

انا عايزه احبك قد ما اقدر و احبك تاني اكتر

ومهما تزيد غلاوتك في قلبي مش كفايه

حب جااامد حب جااامد

ايه بيحصل لما واحده تحب واحد

حب جااامد حب جااامد

حبك انت جوا قلبي وربي شاهد

لقيت معاك الحب و عرفت الامان

نسيت حاجات صعبه بعيشها من زمان

مكنش ليا فالحياه قبلك مكان .. ومليش مكان في الدنيا

الا في حضن واااااحد ... حضن جااامد

دا حب جاااامد .. الله .. حب جاااامد

دا حبك انت جواااا قلبي

ايه بيحصل لما واحده تحب واحد !!

حبك انت جوا قلبي و ربي شاهد

حــــــــــــــــــــــــــــب جـــــــــــــــــامــــــــــــــــــــــــــــد

الى فراشتى السماويه التى تطير فى دمى......هذا خطابى الثانى ردا على فراشتك......لا ادرى فجأه قررت ان اترك تعليقى على فراشاتك هنا كى تبقى معى ابد الدهر....كى لا يمحى شيئا منك.....
عارف انت...اما تكون مبسوط اوى وانت صاحى..مش فاهم مبسوط ليه..بس تبص ف ايدك اليمين تلاقى دبله بتلمع لحد انت بتموت فيه..تفتح النت تلاقى فراشه مه بتطير على الوول عندك..قلبك يدقدق كما الاطفال ..عارف انت الاحساس ده لما تكون قعد بتخمن كلام كتير وبينك وبين نفسك خايف تكون بتحلم....عارف انت لما يكو حبيبك مسافر وانت قاعد تقول ياترى مفتقدنى..هو تقيل ف مشاعره هو مش هيقول بس انت شاكك وبعد شهور من رجوعه من السفر تحصل صدفه ويأكدلك شكوكك ان اى مكان جميل من غيرك غربه
عارف انت لما بلف ف الشوارع من غيرك بفتكرك كتير اوى وببتسم اوى....انت هدية ربنا ليا اللى الزمن بيقوللى كده صافى يا لبن انا اديتلك اغلى من كل الحاجات اللى ضاعت منك..انا ببساطه ربنا عوضنى بيك..وعارفه كمان ان ربنا عوضك بيا عن اى حاجه وجعتك او ضايقتك......
انا بحب الطفل الجميل اللى جواك..والراجل القوى اللى براك..حتى فى تقل مشاعرك بحبك..حتى فى غلاستك عليا بحبك....عارفه ان الحياه مش كلها حب...بس حتى فى خنقتى منك كنت بحبك....بتخنق منك لدقايق بس وارجع افتكر أد ايه انا بحبك
خليك فاكره ده كويس...عشان كل ما تيجى تزعل مى تفتكر انى حد بيحبك ..حب جامد :)

اليك..الفراشه التى تطير فى دمى ..انت

حبيبى.....
بتاريخ 4 اكتوبر 2012

I WANT TO MARRY U Cause u the first person I want to look at when I wake uo in the morning and the only one I want to kiss in the night….because the first time I saw this hands I couldn't  imagin I'lln't hold them…the mainly when u love someone as much as I love u …getting married is only thing love to do…so mmmmmmmmm marry me
كان هذا  نصا كتبته لى....

الى رجل يحتل النفس ويقبع بين ثنايا الروح.
حسنا..لم يكن بالحسبان ان اتى الى ابواب قلعتك ملكة متوجه لملك بمثل ذاك الرقى...لم اضع بالحسبان ان يخضع قلبى لسيطرة بشر بعدما انتويت الا اخضع لبشر ابدا والا ينحنى قلبى امام حب ..لم افكر ولو قليلا حينما طرقت بابى....وكانت دائرة ذهبيه قد شدت وثاقنا الى بعض.....خاتم ذهبى حفر عليه اسمك

 

افهم الشعور بالاشياء الصغيره والتافهه الى ابعد الحدود..وكيف حقا تكتشف اماكن لم تكن تعلم انها بداخلك ومهما كان كم من تسريحة شعر حظيت بها او نادى رياضى التحقت به ..مازلت تذهب للفراش كل ليله وتسترجع كل التفاصيل بيننك وبين من تحب وتشكر الله على لقائكم فى زحام الحياه

يوما ما سأتمكن من طى الارض طيات متساويه ...ازين اطرافها بعصافير لملمتها...وسأكتب حروف تنال اعجابك من زهرات بنفسج وياسمين عشقها....يوما ما سأسجن اقواس قزح فى بلورة سحريه لاجلك...وسألملم كل السحابات لاحشو بها وسائدك...يوما ما سأقطف فصول ربيعيه لاصنع لك منها بطاقات بريديه تخبرك سطورا عنى....يوما ما سأصنع لك من فراء قططى معطف صوفى مرصع بنجمات هاربه من سماوات عاليه.....يوما ما سأضع لك كل جمل البشر التى تسعدك فى اغنية واحده .....يوما ما لو تمكنت من فعل ذلك...فلن اتردد....لانك تستحق كل ماهو مستحيل....يكفينى ان اشاركك نفس الارض حقا...يكفينى ان تقف على بعد خطوات منى ...يكفينى ان اثق انك ستكن على نفس ارضى حتى موتى

وجع منفرد

غيرتنى غيرت فى كتير..عودتنى عيش الاسى بكير غيرتنى وماعرفت غيرتك..
قسيتنى على الدنيا كلها قسيت
 بكيتنى وقبلك انا مابكيت..
موتتنى مع انى عيشتك..شو عملت فيا..وانت اللى عارف انى مافى منك انجرح....شو عملت فى؟قدام عينك انت قلبى بيندبح..مابقى فى
مابقى فيي اسهر لحالى..ابكى عا حالى نسيتك انا
مابقى فيي قلك حبيبى كذب عا حالى..(بحبك انا)

مابقى فيي

هكذا كنت انصت كلمات اليسا وانا ابكى ..بكائى المنفرد بعيدا عنك..لم اعد ارغب بمشاركتك شىء....صار الجرح منك بداخل القلب يتسع .....احببتك فى غفوة من الزمن ولم تعى قيمة ماوهبتك اياه..لم تكن تعرف عن الحب شيئا فمنحتك اعظم خزائنى منه فلم تصونها.....انا حزينه....وحدى.....لم اعد ارغب حتى فى اخبارك ذلك..لم يعد يخبرك صوتى بذلك..انانى..هكذا انت...يمكنك ان تخبرنى اوجاعك وانصت بينما لا يمكننى اخبارك بوجعى....لا يمكننى اخبارك شيئا على الاطلاق....اصبحت ابحث عن ذاتى من جديد..كم عانيت كثيرا حتى وجدت نفسى لافقدها معك..غبيه..بكل غباء فقدت ذاتى دون ان اعى اننى افقدها....كنت احب...ليس عذرا...ليس عذرا على الاطلاق ان تفقد ذاتك فيمن تحب......وكنت سعيده وانا افقد ذاتى معك....فظننت سعادتى ضعفا
حزينه..وحيده..اعدتنى وحيده من جديد كما تركتنى....اعدتنى للبكاء الذى كنت قد هربت منه منذ اعوام...

فى وقت سابق كنت قد اكتفيت بك ابا وصديقا ....فى مرة سابقه قريبه صحت بوجهى ابحثى عن اصدقائك..اخبرتك فى حوار اننى اخشى اننى قد اختزلت الكلام كله معك فصحت بوجهى هذا خطأ.....والقيت سؤالك كالرصاصة بالقلب...ماذا كنتى تفعلين قبل ان نرتبط؟؟؟ودون ان تنتظر الاجابه قلت...عيشى حياتك كما كنتى
اعتبرته اذنا للعوده لحياتى يا .....لا اعرف أناديك صديقى؟؟؟ام حبيبى ام من؟
اتريدنى ان اعود للحياه وحدى..اذن فما فائدة اننى معك؟؟اترانى قد كنت ضيفا ثقيلا على قلبك كل هذا الوقت؟
انت ربكت كل خطوط العقل فلم اعد اعرف كيف افكر....
انطلقت استعيد كل ما اسقطته بسببك...انطلقت ارتب كل الاشياء التى تغيرت اماكن اولوياتى بها لاجلك..لاعيدك فى المكان الذى اردته انت واعيدها كما كانت..فلم اشفى......لم اشفى منك حتى بعد ان اعدتها كما لسابق....حمقاء..اعرف هذا....واعرف اننا فى طريقنا لايلام بعضنا......لكننى لم اعد قادره على حمل مزيد من الالم....
هذا لقلب ان له ان يغفو دقيقه مثل الصغار.....ان له ان برتاح...وعدتنى بالكثير ووهبتنى اقل مايمكن....
انا لم اعد تلك الفتاه التى احبتك ....لانك لم تعد ذلك الفتى الذى جعلنى انحنى للحب من جديد.....لم اعد شيئا..وامامى طريق طويل لاستعادة نفسى كى اعود لحياتى التى غيرتها نت......كنت تخبرنى لا تضحكى بصوت عال..لا تخبرينى عنهم الكثير....لا تفعلى ذلك....حتى اصبحت اخاف ان افعل اى شىء...انا التى كانت تفعل كل شىء ولا تخشى شيئا..لم تخطأ بل كانت تفعل كل الاشياء وتراعى الا تغضب ربها....لم تهتم يوما للناس او لاحاديثها.....لكنها اهتمت لك....اه يا وجعى..اصمت قليلا
ان توقظنى لتتحدث لدقائف ثم تنهى المكالمه لان اصدقائك اهم....عاده اصبحت احنملها بوجع....

كنت تخبرنى ان تفاصيلى انت تحفظها جيدا......فكيف نسيتها جميعا؟؟؟؟يا صديقى....
انا سأعود لنفسى حيث انتمى..لاريحك

شخبطه على الحيط

ازيك...طيب اقولك وحشتنى؟؟طيب وحشتنى..اقولك بحبك..هتحسها؟طيب بحبك.....معرفش ليه اتغيرت..عارفه ان الشغل واخدك وانا الشغل والحياه واخدانى...بس يا حبيبى تفاصيل كتير بتقع مننا....بقيت محتاجه اقعد اتكلم معاك...احس انك حسيت بغيابى ...بس تقريبا الوقت بيننا بقى معاندنا.....انت بتسهر وانا بنام بدرى ..حتى لما بسهر انت بترجع متأخر ومبقاش يهمك ان كنت بستناك او لا.......معرفش ليه قررت اكتبلك هنا....يمكن لانى نفسى تفتكر المدوونه دى وتيجى تقرا الكلام ده من غير ما اضطر اقولك اقراها...نفسى تفتكر تفاصيلى من غير ما احتاج اقولك...ويمكن بكتبلك هنا لان هنا محدش يعرفك ولا يعرفنى فهكتب هنا براحتى...وهصرخ وهقول موجوعه....مفتقداك..مفتقده كيكو اللى انا حبيته مش اللى بقيت بخاف اكتبله اللى ف بالى او اخاف اشاركه افكارى لانه خلقه ضيق ولانه مش بيفهمنى صح...وحشنى كيكو اللى كان بيخاف عليا وبيغير عليا وبوحشه وبيتصل وبيسأل عنى مش ده اللى بحس معاه انى زى واحد صاحبه وبس.....وحشنى كيكو اللى ممكن افكر معاه بصوت عالى من غير ما اقلق ولا اخاف من رد فعله ...كيكو اللى كان مش ده اللى بقى انت...مش ده اللى لو قرا الكلام ده هييجى يتخانق معايا ويقوللى اللى انتى كاتباه ده ويطلعنى ظالماه رغم ان كل اللى بعمله انى بفضفض عشن الفت نظره بطريقتى اللى معرفش غيرها....وحشنى وبدأت اتوه منه وهو مش واخد باله وبقيت خايفه اقوله انى بتوه يثور ويزعق ويقوللى هترجعينا لنفس النقطه اللى بنوصل عندها كل مره....انا مخنوقه اوى وعايزه اعيط وبقيت حتى بخاف اعيطله لان كيكو اللى بقى دلوقتى بقى مش مبيحب نون تعيط مش خوف عليها بس لانه بيشوف البكا ضعف...انا عايزه اعيط...وبكتب وانا بعيط.....مخنوقه ومفتقده صاحبى اللى كان معايا بيرغى واللى كنت بكلمه وانا بشترى اى حاجه واللى كان بيكلمنى وهو مسافر كل يوم...صاحبى اللى كان بيسيبلى رسايل على النت بحب افتحها واجرى عليها ...صاحبى اللى كان بيجيبلى شكولاته عند باب الشغل....اللى كان بيعرف انا بفكر ازاى وف ايه وامتا......راح فين ده؟؟؟مش عارفه....بنتحول تدريجيا لزوج عادى من الاشخاص المرتبطين اللى بتاخدهم زحمة الحياه والروتين.........صدقنى عندى كلام كتيررررررررررررر ومبقتش عايزه اقوله لانه مبقاش عارف يطلع منى....لما تشوف كيكو قوله انه وحشنى اوى وانى بحبه وعايزاه يرجع زى ماكان....لو ف يوم قريت كلامى ده متزعلش منى...انا كتبته لانى مش عارفه اقولهولك

رساله الى حبيبى

الى حبيبى
بعض الرسائل تفقد فى صماديق البريد بينما رسائلى اليك نتراسلها بالقلب حيث الصناديق محكمة الاغلاق....تحمل عبارات كثيره فحواها كلها احبك...نعم احبك انت..الرجل الةحيد الذى اود ان يملكنى..اود ان اترك نفسى بين يديه ...الوحيد الذى احببته واستطاع ان ينال ثقتى فى اقل وقت........الرجل الوحيد الذى كان مؤمن بى قبل ان يرانى.....ايمانا لا حب فقط....

الى حبيبى اكتبلك اليوم فى عيدنا الاول...حبك كان عيدى الاول الذى اتى فى غير مواسم العشق...لكنه حمل لى اخبار عشق كنت بانتظارها....حبك كان قصتى الاولى..قصتى الاولى التى سأنهيها معك.....حبك كان يوم ميلادى ...فى يوم ميلادك ولدنا سويا.....

حبيبى..الرجل الوحيد الذى سلمته زمام امورى رغم يقينى انى قادره على ادارة حياتى كما اشاء الا ان وجودك فيها هو الشىء الذى اصبح ينال اهتمامى اكثر من حياتى نفسها...لذا فكر عنى كى يتاح لى وقت اكبر  لافكر بك

حبيبى...الرجل الذى يشبه ابى فى اشيائه الجميله...يلمس جبهتى بكل الحنو كما كان يفعل ابى.....فى عيدنا الاول اقول لك...انا حقا احب يافرحة عيدى...وجودك هذا العام كان اروع اعيادى....انت عيدى :)

وقت مناسب

حبيبى
بتقوللى الوقت دايما مناسب. عشان اقولك بحبك ف كل وقت وعشان افكر معاك بصوت عالى..منكرش انى بفتقدك زياده عن اللازم وانى لازم اقدر انك مشغول بس انا فعلا بفتقدك وببقى عايزه الاقيك معايا كل وقت...بيبقى نفسى اقولك تعالى شوف رسمى وانا برسم تعالى شخبط معايا وبعتر الالوان معايا على الارض واقعد جمبى وانا بشخبط
بيبقى نفسى نروح مكان على النيل ونقعد نرغى ونضحك ونفتكر ذكريات كتير وحشه وحلوه
نفسى تيجى تاكل العك اللى انا بطبخه او تشرب معايا مج نسكافيه واحد هنقسمه سوا مش عشان بخيله ...لا عشان نتشارك فيه

مش ديما الوقت مناسب عشان نقول اللى بنفكر فيه وغالبا بنضطرنستنى وقت مناسب عشان نقوله.....معاك مش عايزه استنى وقت عشان مش ببقى ضامنه الوقت ولا بآمن للساعات...
فاتت عليا اوقات كتير كنت عايزه اقول لناس بحبهم حاجات كتير والفرصه راحت ومقلتهاش..بابا كان نفسى اقوله كلام كتير معادش ينفع اقوله دلوقتى...
عشان كده بستغل كل فرصه واقولك بحبك وافكر واحلم معاك باعلى صوت

مش عايزه تفوت منى ولا حتى نص فرصه

حبيبى
طماعه انا..مش بشبع منك ولا بكتفى .....بحاول فعلا اقلل جرعة حبى ليك بس مش بعرف لانها عماله تزيد وتزيد.....عارف
اما بخرج واتمشى ف الشوارع بيبقى نفسى تتمشى معايا ونجيب بوريو من عند باباى زى منا بحبه...فى مليون حاجه ببقى عايزه اعملها معاك..بس الوقت مش مناسب..لا انت عندك وقت ولا حتى الوقت اللى عندك ليا هيكفى نعمل حاجه....مش مهم ادينى بحلم اننا نعملها ...كفايه انى وانا بحلم بلاقى حد يشاركنى الحلم..شخص من لحم ودم مش خيال بتخيله وخلاص


حبيبى

عارف...بحاول اعمل خطه لحياتى الجايه تخلينى مشغوله اكبر وقت عشان مفضلش حايمه حواليك بالشكل ده وعماله ادور عليك طول الوقت........بقول عندى كورس الرسم وكمان الدبلومه وشغلى وناويه اخد كورس icdlعشان بكده الوقت اللى يتبقى فاضى عندى يناسب الوقت الفاضى عندك....وبكده محسش بغيابك ولا توحشنى زياده

انا بحبك اوى وده انت عارفه كويس..بحبك وحبك ده هو العامود اللىى  انا مسنوده عليه كويس.....

حبيبى

ف يوم..هنسمع فيروز ومنير سوا ونقف نطبخ سوا.....ونخرج ونتغدى بره سوا.....ونتمشى كتير سوا...ف يوم هننقى لبس العيد سوا... وهنعيد سوا...ف يوم..ربنا يقربه بقى
:D

رجل يستحق الكتابه عنه

عارف يعنى ايه انك تكون حبيبى؟؟؟يعنى تكون الراجل اللى بجد هز نون من جوه وخلاها تشوف الدنيا بالوان مختلفه....
يعنى تعوضنى سنين وجع كتير اوى وتملا قلبى بمليون لون يمكن معرفهاش ولا شفتها كمان....

تكون راجل مهم ف حياتى 

يعنى جمبك اكون مطمنه اوى وحاسه بامان ومش خايفه ..وحاسه انى لو وقعت هلاقى ايد تسندنى اوى  ومش بس ايد هلاقى حضن يضمنى ويطبطب عليا.....

تكون راجل يعنى تقسم الفرحه معايا نصين وكمان الوجع...

يعنى اكون يادوب عندى ام بحبها واخوات شغلاهم الحياه وفجاه الاقى اب وعم واخ وام واصحاب لانى حبيتك بعيلتك كلها.....

انك تكون راجل يعنى انام واحلم بيك

يعنى امسك موبايلى ومن غير تفكير اتصل بيك عشان اقولك بحبك ...واواقات كتير بتكون ف شغلك وامسك موبايلى وامثل انى بتصل بيك واحكيلك كلام كتيررررررررر وف الاخر اقول لنفسى كفايه رغى كده وراه شغل وانهى مكالمتنا الخياليه

انك تكون حبيبى..يعنى احب الفراشات اكتر واكتر واكتر عشان بتهدينى كل يوم فراشه....

يعنى تكون الراجل الوحيد اللى تكون دبلته فى يمينى وبتمنى انقلها للشمال
يثعنى تقرا افكارى من غير ما اقولها....يعنى تبقى عارف بحب ايه  ومش بحب ايه واما اكون ناسيه تفاجئنى باكبر علبة ايس كريم تملا قلبى حب
يعنى تاخدنى الكورنيش وانا زعلانه ومعيطه ومخنوقه وتمسك ايدى وتنزل على ركبه ونص زى الافلام وانت ماسك دبلتى ف ايدك وتقوللى ..بحبك يانور تتجوزينى؟؟واكون مكسوفه ومبسوطه وتايهه وحاسه انى مش عارفه ارد واقولك بدون تفكير اكيد موافقه وابقى نفسى احضنك واقول انت اغلى هديه من ربنا
انت حبيبى..وكل العمر الجاى ليك....وكل الاماكن اللى بتمنى ازورها بقيت بتمنى ازورها بس معاك انت بس ....بحبك والله ومش لاقيه كلام يكفيك حقك عليا...
معلش اتحمل واحده بتحبك بتكون اوقات طفله عنيده مستفزه مش بتعرف غير تستفزك وتعصبك