dream

dream
am yours

الخميس، 2 مايو، 2013

حب جامد :)

وقفت جمبك من البدايه وانا جمبك للنهايه
كلام الناس دا كله ولا بيفرق معايا
انا عايزه احبك قد ما اقدر و احبك تاني اكتر
ومهما تزيد غلاوتك في قلبي مش كفايه
حب جااامد حب جااامد


ايه بيحصل لما واحده تحب واحد
حب جااامد حب جااامد
حبك انت جوا قلبي وربي شاهد
لقيت معاك الحب و عرفت الامان
نسيت حاجات صعبه بعيشها من زمان
مكنش ليا فالحياه قبلك مكان .. ومليش مكان في الدنيا
الا في حضن واااااحد ... حضن جااامد
دا حب جاااامد .. الله .. حب جاااامد
دا حبك انت جواااا قلبي
ايه بيحصل لما واحده تحب واحد !!
حبك انت جوا قلبي و ربي شاهد
حــــــــــــــــــــــــــــب جـــــــــــــــــامــــــــــــــــــــــــــــد

الى فراشتى السماويه التى تطير فى دمى......هذا خطابى الثانى ردا على فراشتك......لا ادرى فجأه قررت ان اترك تعليقى على فراشاتك هنا كى تبقى معى ابد الدهر....كى لا يمحى شيئا منك.....
عارف انت...اما تكون مبسوط اوى وانت صاحى..مش فاهم مبسوط ليه..بس تبص ف ايدك اليمين تلاقى دبله بتلمع لحد انت بتموت فيه..تفتح النت تلاقى فراشه مه بتطير على الوول عندك..قلبك يدقدق كما الاطفال ..عارف انت الاحساس ده لما تكون قعد بتخمن كلام كتير وبينك وبين نفسك خايف تكون بتحلم....عارف انت لما يكو حبيبك مسافر وانت قاعد تقول ياترى مفتقدنى..هو تقيل ف مشاعره هو مش هيقول بس انت شاكك وبعد شهور من رجوعه من السفر تحصل صدفه ويأكدلك شكوكك ان اى مكان جميل من غيرك غربه
عارف انت لما بلف ف الشوارع من غيرك بفتكرك كتير اوى وببتسم اوى....انت هدية ربنا ليا اللى الزمن بيقوللى كده صافى يا لبن انا اديتلك اغلى من كل الحاجات اللى ضاعت منك..انا ببساطه ربنا عوضنى بيك..وعارفه كمان ان ربنا عوضك بيا عن اى حاجه وجعتك او ضايقتك......
انا بحب الطفل الجميل اللى جواك..والراجل القوى اللى براك..حتى فى تقل مشاعرك بحبك..حتى فى غلاستك عليا بحبك....عارفه ان الحياه مش كلها حب...بس حتى فى خنقتى منك كنت بحبك....بتخنق منك لدقايق بس وارجع افتكر أد ايه انا بحبك
خليك فاكره ده كويس...عشان كل ما تيجى تزعل مى تفتكر انى حد بيحبك ..حب جامد :)

هناك 4 تعليقات:

Sheroo يقول...

أنا بحب أوى إحساس الواحد لما بتبقى الدنيا بتصالحه بعد ما شرّبته منها كتير
افرحى و عيشى و اتهنى

يا رب دايماً تبقى الدنيا مصالحاكى

نون..كيكو...حبيبة حبيبى يقول...

تقريبا يا شيرو هى بتخدعه انها بتصالحه عشان تضحك عليه لما تاخد منه كل حاجه :(

Sheroo يقول...

مش دايماً بتاخد منه كل حاجة
وحتى لو خدت منه كل حاجة فهى قبل كده علمته إنها لما بتاخد بتدى بعدها حاجات أحلى و أكتر

ولا أيه

نون..كيكو...حبيبة حبيبى يقول...

معاكى حق..ياللى بتسال عن الحياه حدها كده زى ماهى