Here I Am Bryan Adams Mp3 Downloads

برايان آدامز

here iam

Here I am -

this is me There's no where else on earth I'd rather be

Here I am

- it's just me and you And tonight we make our dreams come true

It's a new world

- it's a new start It's alive with the beating of young hearts

It's a new day

- it's a new plan

I've been waiting for you

Here I am

Here we are

- we've just begun And after all this time

- our time has come Ya here we are

- still goin' strong Right here in the place where we belong

Here I am

- this is me There's no where else on earth I'd rather be

Here I am

- it's just me and you And tonight we make our dreams come true

Here I am

- next to you And suddenly the world is all brand new

Here I am

- where I'm gonna stay

Now there's nothin standin in our way

Here I am

- this is me

جاذبيه

دوما هناك مايجذب الفتيات الى الرجال من اول نظره
وتراى واحده تتبع بعيناها احدهم تحاول بلورة شخصيته..
يجذبنى النظر الى شاب ما احيانا شىء واحد..طالما لم يتطرق بنا الامر الى الحديث فانا لا اقيمه بناء على حديثه او على مقدار رقيه اللغوى..او مقدارثقافته..بينما من استطاعوا لفت انظارى كان محط انظارى هو شىء غريب..حذائهم
نعم
اول ماتقع عليه عيناى هو الحذاء
ربما لاننى انظر الى الارض كثيرا ليس خجلا وحياء بقدر ماهو تأمل..تعرف امى جيدا حبى الشديد للنمل..تلك الحشرات المتوحشه الصغيره التى تطاردها امى فى ارجاء الشقه هى من اقرب الاشياء لقلبى..وكثيرا ما اقف اثناء سير بالطريق لاتأمل احدى النملات الكبيرات تمر اسفل قدمى واكاد ادهسها بحذائى..
ولذلك السبب فأن اول ما يقع عليه نظرى اثناء سيرى هو الحذاء
الشاب الروش يرتدى عادة سليبر..هو شىء يشبه الصندل وقد يرتدى كوتشى يالوان جذابه..
الشاب الكاجوال قد يرتدى حذاء خفيفا الوانه بنى محروق والكمونى..
الشاب الرصين
حذائه كلاسيك..يميل للالوان السوداء والبنى
الشاب العاطل
شبشب بصباع او شبشب جلد
سائقى المكروباص
احذيه بوت مثل احذية الجيش فى الشتاء
وبلا احذيه اثناء القياده ف الصيف

طبعا البوست ده جنانا ف جنان
بس ده فعلا اللى بيلفت نظرى
بحب جدا الجزم الرجالى..بحب اتفرج عليها ف الفاترينه
بحب الجزم الكاجوال بألوانها الغريبه اللى مفيش منها بناتى
طبعا مزاج مطين زى ما ماما بتقول
هههههههههههههه
عارفه

بس ملحوظه

انا مش بحكم بناء على المظهر زى ما البعض فهم

كل الحكايه انى لما بمشى ف الشارع مش بنتبه لوسامة الشاب ولا أى شاب اصلا بس بيلفت نظرى الجزمه

بس لو وصلنا لمرحلة تقييم حقيقى للشخص اللى امامى

طبعا هقيم بناء على اخلاقه اولا ثم ثقافته ولغته ورقيه الفكرى وده اللى كتبته ف اول البوست ومحدش خد باله منه

:):)

اطمنى

عندى هدوء وسلام نفسى رهيب

رغم اصعب ازماتى حاليا

بس مش عارفه ليه لقيته بيهمسلى بأغنيه قديمه اوى

اغنيه لمطرب مغمور اسمه احمد فوزى

اطمنى

اطمنى هييجى يوم ونعيش سوا

اطمنى

اطمنى ايام ..سنين ..هتفوت هوا اطمنى

اطمنى هنكون لبعض

احلامنا بكره تلاقى ارض

مش هتفضل طايره تايهه ف الهوا

صعب الطريق

من اوله

لكن اكيد

هنكمله

طول مانا شايف روحك جمبى

عمر الخوف ماهيعرف قلبى

اوعدك

لو طال طريقنا ولا تاه

نوصل لابعد حلم لينا ف الحياه

اطمنى هييجى يوم ونعيش سوا

اطمنى

ايام

سنين

هتفوت هوا

اطمنى

طبعا الامضاء

الشاطر حسن اللى ف حواديتك القديمه

لسه مقابلتكيش

يمكن مكونش اصلا ليا وجود ف الواقع

بس الاكيد

انى اقابلك هناااااااااااااااااك

بسمع اسمك بدمع

محدش يسألنى مالى

انا بس زهقت من حالة الترقب

زهقت من القلق

زهقت من كل حاجه بحبها وبتضيع

زهقت منى

اه زهقت منى..زهقت من حالة الهدوء اللى بتدارى البراكين اللى بتثور جوايا..حالة التمثيل بالامبالاه اللى بتقمصها..

بحاول انى اظهر جامده..مش هيهمنى لو حاجه تضيع منى..بحاول اوهم كل اللى حواليا انى دايما سعيده..دايما مرتاحه ومعنديش قلق على حاجه..حتى لو كلى قلق..بعرف ادارى مشاعرى اوى..بس مش بلاقى حد اشكيله همى ده..حتى سطورى زهقت منى..حتى دموعى ملت منى..نفسها تنزل..بجد نفسى ابقا انا..ابقا زى راقصى الباليه اقف بشموخ على اطراف صوابعى وادور ادور ادور لحد ما كل الحاجات اللى جوايا تدوب

عايزه ادوب فيا وانسااااااااااااااااانى

افتكرت فضلت اضحك والدموع

نزلت اوى..وجريت اوى..وحشتنى ايامك اوى

متقوللى هو مفيش طريقه انساك اوى

ومقولشى آه

حبيبى قول كده

ضاعت كل الامانى وانا مش هستنى تانى

واطفيلى النار كفايه

نار الفرقه بتوجع

حبيبى قول كده

علشان مش هقدر اسمع..كلمة امتا هترجع..ومفيش دموع ف عينى

بسمع اسمك بدمع

كل وقت انا اروح وادور..ف اللى كان

واستفدت انا ايه بصوره من زمان؟

مانا شفتها

ليه سبتها

ياريتنى شلتك منها

او كنت حتى كنت مشفش فيها

احلى ايام عشتها

ومقولشى آه

حبيبى قول كده

ضاعت كل الامانى

وانا مش هستنى تانى

واطفيلى النار كفايه

نار الفرقه بتوجع

حبيبى قول كده

علشان مش هقدر اسمع ..كلمة امتا هترجع..ومفيش دموع ف عينى

بسمع اسمك بدمع

إليسا

من جديد

فى مثل هذا اليوم من كل عام..تسقط من ذاك القلب المهترء وريد اخر..كان يضخ الدم لشرايينى...كل عام يضيع امل ..كل عام يمعن هو فى الاغتراب عنى..بينما امعن انا فى البحث عنه..لا هو يقترب ليعرفنى ولا انا اعرف من هو...كل عام يوشوشنى الجو البارد وهو يقرص اذنى..كونى اميرته حينما ياتى..ولا تكونى خيالا لا يراه.

ولا هو يرانى ولا انا اراه.

كل عام..انتظر بابا نويل لياتى به فى جعبته..عساه يكون ضل الطريق الى فياتينى به..لكن يمر الليل ولا يأتى..فقط رزع اعاصير الشتاء على نافذتى البارده..

كل عام اعلم انه طيفا لم يهرب بعد من واقعه ليلقانى..محجوز خلف اسطورة الاميرة والضفدع..وكل عام..يموت سطر من سطور حواديت فى ذاك القلب المتجمد..لم يدق ابدا..او لم اسمع دقاته من قبل..قد اكون سمعتها اليوم تهمس لى..عودى بصمت فلستى سوى سطر خيالى لايعرف ابدا اجابات لعلامات استفهامك..عودى لان لا احد غيرك يعرف تلك الاجابات..واول علامات استفهامى..لماذ؟

لماذا نحب ان كنا نعلم مسبقا ان الحب كما عرفه غيرنا شيء مؤلم؟

لماذا نختار الدرب الوعر ونحن نعرف الطريق جيدا؟

ام ترانا لا نعرفه؟

كل عام القى على مسامعى تلك الاسئله ولا اعرف لها بعد اجابات..

ولا حتى هو يعرف اجاباتها

قلت لامى مرة..هل سيبحث عنى؟قالت لى نعم

كانت تكذب

كنت طفله وكانت تكذب لارضائى فصدقتها

واليوم اعلم جيدا اننى عدت وحدى من جديد

داخل النفق الذى سجنت فيه

وحدى

لكنه ربما هو افضل حالا بدونى

فاتت على خير..قدر ولطف

السنه دى باقيلها ايام وتفوت..بحلوها ومرها..فكرت ف حاجه الم بيها السنه كلها...حاولت اجمع السنه اللى عدت دى ف سطور..هكتبها وزى ماتيجى تيجى

هكتب احلى تلت حاجات

واسوأ تلاته..انا بحب الرقم تلاته..لانه شهر اتولدت فيه..انا مولوده آذاريه..بعشق الربيع...

ممكن كل اللى يقرا الكلام ده يعلق عندى باى حاجه عدت ف السنه عنده وسابت اثر؟؟؟؟؟؟

احلى تلت حاجات عدت عليا السنه دى:

اشتغلت مدرسة رسم..وانا بحب الرسم اوى..ومش خريجة فنون

2_صحبتى المقربه اتخطبت للشخص اللى حبته طول 9 سنين

3_جاتلى احلى هديه

اكتر تلت اغانى كنت بسمعهم السنه دى:

1_ليالى الشمال الحزينه..فيروز

2_يونس لمنير

3_ساعات المطر..وجيه عزيز

اكتر ثلاث افلام عجبونى السنه دى:

twilight_1

2_2012

3_امير البحار

اكتر تلت حاجات زعلتنى السنه دى..

1_شفت سواق عربيه كارو مشى ف الطريق ف غير مواعيده(الكارو له مواعيد عندنا)وكان محمل قمح..وعدت دوريه شرطه وشافوه واخدوا منه العربيه واترجى الظابط يسيبه ورفض..لدرجة ان الراجل وطى على رجل الظابط يبوسها وقلبه محنش..وقعد العربجى ينوح زى النسوان على قوت عياله اللى اتاخد منه

2_لما زميلتى ف الشغل رفدوها لانها بتغيب كتير..عشان بنتها اللى عندها سنتين تعبانه.

3_صحبتى اتخطبت ومعزمتنيش..خايفه انى احسدها لانى متخطبتش..وطبعا ده حصل مع كل صحباتنا الغير مرتبطات

ههههههههه

احلام حققتها السنه دى

1_اثبت نفسى ف شغلى جدا..لانى بحبه جدا وعندى انتماء ليه اوى

2_غيرت عدتى

ههههههههههههه

3_سافرت القاهره

احلام نفسى احققها:هى عبيطه شويه

1_نفسى اروح ملاهى

2_انزل مجموعه قصصيه باسمى

3_هحتفظ بيه لنفسى

هههههههههههههههههههههه

غلاسه

هو يعنى كل حاجه اقولها

اكتر ناس عرفت قيمتها السنه دى اكتر من اى سنه:

1_امى

2_امى

3_امى بردو

اكتر حاجه نفسى تحصل ف السنه الجديده

1_الناس تلاقى تاكل بعد تغيير الحكومه طبعا..

2_نفسى اقرا كل الكتب اللى نفسى اقراها

3_نفسى اضحك من قلبى

انا بحبكم اوى وبلاقى نفسى معاكم

مش عايزه حد يزعل منى لو زعلته..واقصد بده ناس كتير جدا زعلتها

ربنا يسعدكم كلكم يااااااااااااااارب

:)

صفقات زواج

امبارح كان يوم غريب..رجعت م الشغل وعلى غير عادتى رحت شغلت التليفزيون اللى نسيت حتى قنواته..ولقيت فيلم اجنبى شغال على دبى ون..اسمه

when man loves awomen

البطل آندى غارسيا والبطله ميج رايان وفيه ميج رايان هى زوجة اندى وام لطفلتين وهى مدمنة كحول يتفانى زوجها ف مساعدتها للشفاء من ادمانها ..قصة حب منتهى الروعه..بكتنى ف الاخر لما هى حست انها من كتر اخطائها عايزه تبعده عنها قبل مايكرهها ف عز ماهو بيموت من فراقها وتنتهى اخر لقطه وهو عندها بيسمع كلامها بعد العلاج عن احساسها الرائع ناحيته وبيروحلها ويقوللها وانا كمان كنت بحس انى قصرت معاكى ..كل واحد منهم عايز يجيب الغلط فيه عشان مايجرحش التانى..طبعا دى افلام ...النهارده للمره التانيه ارجع من بره والاقى اختى مستنيه فيلم هندى وقعدت اتفرج معاها على مليونير الحى الفقير..

معلش

انا لازم اكتب البوست ده..رغم ان كلامى اول مره اقدر اقوله علنى كده..بس بجد حد يعرف يعنى ايه ان بنت تتحب؟البنات بس هما اللى يقدروا يحسوا بمدى اهمية ده..عارفين يعنى ايه كل يوم حد يصحى وهو بيدعى انه يتخبط ف حد يحبه ويتمناه جمبه طول العمر؟يعنى تكون جزء من حياة حد مسئول عنها

اصعب احساس لما تكون مجرد سلعه بيتفرجوا عليها العرسان واللى يعجبه الشكل هيشيل واللى مش هيعجبه هيركن البضاعه على جمب لحد ما ييجى غيره يعاينها

كل فتره تتحط البنت ف نفس الموقف

تقعد ف الصالون تقدم مشاريب سخن وساقع وتورته وكيك الباشا ف الصالون زى الديك الشركسى بيراقب ..ولو عجبه الحال بيرجع تانى معجبهوش بياكل ويشرب ويمشى ويقول عدولى

وتبدا البنت تعانى ف صمت من مرارة الرفض..تقف قدام مرايتها كل يوم وتبصلها باستغراب..هى مش وحشه واخلاقها معروفه انها بميت راجل واى حد بيقول عنها كلام حلو لكن ساعة الجد بنتحط ف كفة مطلوب تكونى فائقة الجمال والمشكله ف همسات اللى حواليها اللى بتبقا من تحت لتحت وصعبانه عليهم

كل كام يوم تمر بنفس الشعور وتسكت ..تشوف نظرات التعجب ف عيون اللى حواليها واما تتخنق خالص تعمل عبيطه..ولو حد مايعرفهاش واتعرفوا مثلا ف الشغل عليهامن زميلاتها وسالوها ليه رغم انك اموره وشيكواخلاق ومتجوزتيش لحد الان؟سؤال غبى..ترد تقول نصيب..محدش يقتنع..تكدب وتقول برفض عشان مش مناسبين يردوا بغباء ويقولوا خدى بالك انتى بتكبرى ودلوقتى بتختارى لكن بكره هيتفرض عليكى اى حد والسلام

هى البنت بتختار امتا؟

مش لما الراجل يختارها الاول

يعنى هى مابتختارش

وموافقتها عليه اوقات بتكون اجبار واهو ضل راجل

واما ترفض ان جوازها ده يتم على انه صفقه

تعنس

ليه؟؟

البنت دلوقتى بتتقيم ف نظر العريس بناء على ايه؟ماينفعش يشوف جمالها اللى جواها وبعدين يحكم؟

والله امبارح صحبتى كلمتنى من اسيوط بتقوللى كان جاى عريس ومحترم جدا واخلاق وبعد ماحضرنا نفسنا اتصل وقال مفيش نصيب عشان شاف واحده احلى وعجبته..مش هقول انى واقفه ف صف صحبتى عشان هى صحبتى..بس والله البنت تتحب..بس اللى يعرفها

وهى اموره عاديه بس اموره

رغم ان الاحلى منها دى دى مجرد شكل خارجى

ومحدش من الشباب يرد ويقوللى جمال الروح اهم...ده كلام افلام عربى

انا عشت عمرى كله بحلم بحدوتة الشاطر حسن وست الحسن والجمال اللى هيسافر عشانها سبع بحور وسبع جبال عشان يتقابلوا وهو عمره ماشافها واهى طلعت حواديت

بس دلوقتى مش زمن الحواديت

انا بجد عايزه اعرف يعنى ايه حب ف نظر شباب اليومين دول...اللى لو واحد منهم حب واحده مش بيتجوزها حتى لو ظروفه بتسمح عشان بيخاف تكون كلمت غيره..ولو ناس زى حالاتنا عمرها ماحبت حد ولا كلمت ولد الناس تتشرط عليهم..وف الاخر بنتقيم على اساس جمالى بحت

وناس تانيه بتاخد الجمال وحتى لو البنت كانت مش مؤدبه بيقول اهم حاجه الجمال واوقات البنت بتمثل دور البريئه فتوقعه حتى لو بالغش وينصلح حالها بعد الجواز

بس ده مش صح

زمان اهالينا علمونا ان اللى تكلم ولد عمره ماهيحترمها ولما سمعنا كلامهم الايام دلوقتى بتثبت عكس نظريتهم ورغم ده مش قادرين نتغير ونبقا زى الواقع

البنت عمر ماكان ليها حق الاختيار والفرصه الوحيده للاختيار عندها

هى انها تختار توافق بدل ماتعنس

بس زمن الحواديت رغم انه مش الزمن الحالى لكن احنا عملناه زمننا وعشنا فيه

ياريت نقدر نعيش الواقع ومنتوجعش منه

بس للاسف انا مقتنعه ان الجواز لو مكنش باعتبارات روحيه ونفسيه ومبنى على تفاهم وحب

يبقا ضل الحيطه احسن