dream

dream
am yours

السبت، 26 ديسمبر، 2009

فاتت على خير..قدر ولطف


السنه دى باقيلها ايام وتفوت..بحلوها ومرها..فكرت ف حاجه الم بيها السنه كلها...حاولت اجمع السنه اللى عدت دى ف سطور..هكتبها وزى ماتيجى تيجى

هكتب احلى تلت حاجات

واسوأ تلاته..انا بحب الرقم تلاته..لانه شهر اتولدت فيه..انا مولوده آذاريه..بعشق الربيع...

ممكن كل اللى يقرا الكلام ده يعلق عندى باى حاجه عدت ف السنه عنده وسابت اثر؟؟؟؟؟؟


احلى تلت حاجات عدت عليا السنه دى:

اشتغلت مدرسة رسم..وانا بحب الرسم اوى..ومش خريجة فنون

2_صحبتى المقربه اتخطبت للشخص اللى حبته طول 9 سنين

3_جاتلى احلى هديه



اكتر تلت اغانى كنت بسمعهم السنه دى:

1_ليالى الشمال الحزينه..فيروز

2_يونس لمنير
3_ساعات المطر..وجيه عزيز
اكتر ثلاث افلام عجبونى السنه دى:
twilight_1
2_2012
3_امير البحار
اكتر تلت حاجات زعلتنى السنه دى..
1_شفت سواق عربيه كارو مشى ف الطريق ف غير مواعيده(الكارو له مواعيد عندنا)وكان محمل قمح..وعدت دوريه شرطه وشافوه واخدوا منه العربيه واترجى الظابط يسيبه ورفض..لدرجة ان الراجل وطى على رجل الظابط يبوسها وقلبه محنش..وقعد العربجى ينوح زى النسوان على قوت عياله اللى اتاخد منه
2_لما زميلتى ف الشغل رفدوها لانها بتغيب كتير..عشان بنتها اللى عندها سنتين تعبانه.
3_صحبتى اتخطبت ومعزمتنيش..خايفه انى احسدها لانى متخطبتش..وطبعا ده حصل مع كل صحباتنا الغير مرتبطات
ههههههههه
احلام حققتها السنه دى
1_اثبت نفسى ف شغلى جدا..لانى بحبه جدا وعندى انتماء ليه اوى
2_غيرت عدتى
ههههههههههههه
3_سافرت القاهره
احلام نفسى احققها:هى عبيطه شويه
1_نفسى اروح ملاهى
2_انزل مجموعه قصصيه باسمى
3_هحتفظ بيه لنفسى
هههههههههههههههههههههه
غلاسه
هو يعنى كل حاجه اقولها
اكتر ناس عرفت قيمتها السنه دى اكتر من اى سنه:
1_امى
2_امى
3_امى بردو
اكتر حاجه نفسى تحصل ف السنه الجديده
1_الناس تلاقى تاكل بعد تغيير الحكومه طبعا..
2_نفسى اقرا كل الكتب اللى نفسى اقراها
3_نفسى اضحك من قلبى
انا بحبكم اوى وبلاقى نفسى معاكم
مش عايزه حد يزعل منى لو زعلته..واقصد بده ناس كتير جدا زعلتها
ربنا يسعدكم كلكم يااااااااااااااارب
:)


هناك 11 تعليقًا:

صوت من مصر يقول...

انتى بتحلمى 3 احلام فى السنه الجديدة صعب تحقيقهم
وانتى اخترتى 3 افلام فى احلى واروع منهم بجد

خواطر شابة يقول...

داية سأتمنى لك سنة قادمة سعيدة ان شاء الله
جميل هذه الطريقة التي اخترتيها لتقييم سنة ماضية
انا عن نفسي على المستوى الشخصي باستتناء وفاة جدتي السنة كانت عادية لاجديد رتيبة ومملة الروتين العادي العمل والبيت يمكن مؤخرا دخولي عالم التدوين شغلني شيئا ما وتعرفت من خلاله على شخصيات وعقليات مختلفة غير هذا لاشئ فقط نحمد الله على نعمة الصحة
تحياتي لك

غير معرف يقول...

يا رب تحققى كل اللى نفسك فية قبل عيد ميلادك فى اذار الجاى ان شاء الله
احلامك كلها مشروعة
وربنا هيختار لك الخير منها
وكلة فى وقته
كل عام وانتى بخير

واحده من الناس يقول...

صوت من مصر
هو يعنى الحلم بفلوس ادينا بنحلم يمكن يتحقق اى حام منهم..
بالنسبه للافلام
دى ياعم وجهات نظر
انا بقول
انا
اللى هى انا
عجبتنى الافلام دى
مش بقول انتو
يعنى انت لك مطلق الحريه تعجبك افلام تانى وتقول لى عليها عشان اشوفها
يالا ياعم سمحتلك تشوف افلام وتعجب بيها غير الافلام اللى اخترتها
قمه ف الديمقراطيه
هههههههههههههه
كل سنه وانت طيب

واحده من الناس يقول...

خواطر شابه
انا مقصره كعاكى والله بس عندى ظروف
البقاء لله معلش..
حبيبة قلبى انا زيك كتير بحس ان الحياه مله ورتيبه
بس انا اخترت منها ابسط الاشياء اللى كانت سبب ف مرور حياتى بلحظات سعيده
كل سنه وانتى طيبه بجد
وفكرى كده
شوفى اى حاجه عجبتك السنه دى..
لا متقوليش انى انا احلى حاجه ف السنه عندك السنه دى
ههههههههههههههه
انا عارفه طبعا
متحلفيش
ههههههههههه

واحده من الناس يقول...

غير معرف
كل سنه وانت طيب
وسنه سعيده
وزى السنه دى تكون محقق او محققه كل احلامك
:)

حـــلـــم كــــان يقول...

كل سنه وانتى طيبه

ويارب تحققى كل حاجه بتمنيها

انتى وكل الناس

أم .. بوبه يقول...

ربنا يجعلها سنة سعيدة علينا كلنا يارب

علي أحمد وائل علي الحكيم يقول...

طيب مش ناوية تقولي كان ايه الحلم التالت ؟؟؟؟؟؟

نون..مكعب سكر يقول...

حبيبى كيكو..انت حلمى التالت...كان حلمى الاقى اللى بحبه .....انت حلمى التالت اللى اخيرا لقيته بعد طول انتظار...بحبك..دى قليله اوى انت تستاهل اكتر :)

علي أحمد وائل علي الحكيم يقول...

طيب كده أنا أرتحت :)