dream

dream
am yours

الأربعاء، 16 مايو 2012

وبناقص حلم

اقف على ناصية قلبك....نفضه كويس..طلع كل الكراكيب اللى ملهاش لازمه اللى زحمت بيها قلبك....ارمى الحاجات اللى بلا قيمه فيه بعيد اووووووووى....مش كل حب بينتهى بسعاده واتجوزو وعاشوا ف تبات ونبات وخلفو صبيان وبنات وطالما ان مش كل حب بينتهى بسعاده ليه شاغل نفسك بحب جابلك الوجع والالم ليه؟؟؟هو عايش ومرتاح..ولا اقولك بلاش مرتاح..لانه جايز مش مرتاح مش بسببك بس لان ربنا بيسلط ابدان على ابدان...يعنى وراد ان ذنبك هيخلصهولك غيرك....شاغل نفسك ليه بقا؟؟سامحه..صاحبك قاللك سمحه فلازم تسامحه...عشان الميتين مش بيجوز عليهم غير الرحمه....ولازم نسامحهم عشان روحهم متفضلش مرزوعه حوالينا بتحاوطنا وتقرفنا ف عيشتنا.....سيبه يروح بذنبه لحال سبيله وانت كمان سيبك....روح دور على حلمك ف مكان تانى ونفض قلبك...خد منه كل الزباله المكومه فوق بعض دى وواخده حيز وروح روقه على مزاجك..هاتلك حلم هزاز ولمبة جاز وقله وزير وشوب عصير وزيح...ولو حكمت اركب مراجيح....ماهو الحلم مواسم ومناسبات..ولو حتى كان على روح ميت مات...احلم على روحه..وكفايه تدعك ملح على جروحه..اللى هى ف الاصل جروحك..فاكر لما كنت تقول هتفديه بروحك..وان جراحه تهد قلاعك وصروحك ..المه بيكويك..تفتكر لو وجعته هتنام لياليك ...ولا وجعه هينزف فيك...انساه..ضيعه ف زحمة الحياه...قول لنفسك ان اللى بيضيع عمرنا مابنلقاه...قول لحلمك كان حلم وتاه....وبلاش تبكيه..
مسيره هيتوجع مش منك..ولانك قلبك مش زى قلبه...هتكون احن ..هتكون اطيب لان..مش كل البشر قاسيين..
اقف على ناصية قلبك ونفضك كويس وروح هاتلك حلم وابدأ تانى فيه



نون

هناك تعليقان (2):

Unknown يقول...

نون ......
طبعا ده أخر مكان تتوقعي تشوفيني فيه مش كده ؟؟؟؟؟
عارفك زمانك بتقولي " أيون "
بصي بقا يا ستي ... انا قلبت الدنيا عشان أعرف أعمل مدونه زيك ... و عملت المدونه دي عشان أشاركك في كل تفصيله في حياتك ... المهم عشان الناس مش تفهمنا غلط هههههه دي خطيبتي يا جماعة ... نرجع لموضوعنا بقا .... يا ستي يا بنت يا اللي اتملكتي قلبي و عمري خااااالص عايز أقولك بحبك .. تؤ تؤ تؤ اي بحبك دي ؟؟؟ قليلة أوي يا كيكو .... لأ بعشقك ... ممممم مش بس كده أنا من دلوقتي بحلم بيكي و انت معايا في فرحنا و معايا في شقتنا و وسطنا اطفالنا و كمان و أحنا معجزين مع بعض و بنتفرج علي أحفادنا .... ياااااااااااااه بحبك فعلا

noon kiko يقول...

طبعا ده اخر مكان هتوقعك فيه بصراحه..مش لانى بخبى عنك حاجه...ماكل حاجه على حطة ايدك زى مابيقولوا....طيب انا هكتبلك اللى انا حاساه ف تدوينه جديده....اعتقد هنا هيبقالى حريه اكتب براحتى..هنا بيتى الاول اللى فيه كل تفاصيلى الصغيره...