dream

dream
am yours

الاثنين، 22 أغسطس، 2011

صدفه

يااااااااااااه كنت نسيتها..وفجاه كنت بفتش بالصدفه ف كراكيبى وافتكرتها..مدونتى...كان عندى اتنين..واحده سياسيه وواحده رومانسيه..كنت زى اللى عندها انفصام ف الشخصيه..بنوته رومانسيه اوى والتانيه مناضله وبتحب تتجر ورا المشاكل السياسيه..فاكره ازاى قررت اتدرب ف المعاشات عشان اعرف اجيب حقوق الارامل والمطلقات ويوم ما اشتكيت الراجل اللى بيدربنى ادالى تقدير مقبول رغم انى الوحيده اللى اخدت تقدير زفت كده..وفاكره لما رحت اشتغل ف جرنان واول ماخدت تصريح بدخولى اى مكان رحت عملت حوار مع المحافظ ويومها رئيس التحرير بهدلنى لان كان محور موضوعى النافورات اللى بتتعمل ف محافظتنا وتتهد من فلوس الغلابه هى والجناين اللى بقدرة قادر بتتشال منها الزرع وتتعمل نافوره وترجع بعدها تتهد وتتعمل تانى جنينه وكله من دم الغلابه..ياااااااااااااااه ايه اللى غيرنى وخلانى ساكته...ايه اللى كسر الحماس اللى كان جوايا..وهو ايه اللى مايكسرش؟؟كل حاجه اتغيرت اوى
بس مسيرى هرجع طول مانا مش بعرف انسانى ومهما تهت منى برجع

هناك 3 تعليقات:

Tears يقول...

استمتعت بموضوعك القصير

حمدلله على سلامتك

كلنا عندنا نوع من هبوط الحماس بسبب كل مايحدث حولنا و لنا

مش ح انسى ابدا انك من اول اللى شجعونى اول ما عملت مدونتى

كل سنة و انتى طيبة و عيد سعيد عليكي

نون..مكعب سكر يقول...

واااااااااااااااااو انا كمان لسه فاكراكى وفاكره انى كنتب بحب اروح مدونتك ...
ياترى عامله ايه وايه اخبارك؟؟؟
كل سنه وانتى بخير :)

Tears يقول...

كل سنة و انتى طيبة يا حبيبتى...معلش الحال جايلبنا اكتئاب عشان كنا فاكرينها فرجت اتارى قدامنا كتير اوى لسه


تحياتي