dream

dream
am yours

الاثنين، 3 أغسطس 2009

من سطور يومياتى.حلاوة اول مرتب



النهارده يوم تاريخى....
كنت اسمع من امى دوما كلمة ان التعب حلاوته مره..تقصد تعب الشغل..نعم تحملت الكثير فى الشهر الماضى..حتى اننى كنت قد شعرت للحظات كثيره ان حبى للرسم قد اصبح بعد تحويله الى مهنه عبء ينوء ظهرى بحمله..وكان لابد من التحمل..ليس لانى فى حاجة للعمل....بل لان حاجتى الى العمل هى لاثبات وجودى..واليوم تسلمت اول مرتب..كم هو جميل ان تشعر بثمرة جهدك..ان تشقى وتتعب لتاخذ بعدها مكانتك ومعها نتائج مجهودك
انه شعور يشبه تماما المذاق المر المسكر..مثلما تقول امى..
بالطبع امى لم تصدق مدى فرحتى وهى ترى ابتسامه اكبر من تلك الابتسامه التى تراها دوما على وجهى..لم يكن مبلغا يستحق تلك الابتسامه..انما نظرة اشقائى لى منذ اول يوم عمل..مش متخيلين ان البنوته السفيفه دى هتكون ميس..هههههههههه
وبالطبع تحلق حولى الجميع اليوم بعد ان وصلهم خبر قبضى لاول مرتب فأتوا جميعا من كل حدب وصوب..شقيقاتى المتزوجات قامت كلا منهم بمهاتفة الاخرى وتم الاتفاق على عمل كبسه علينا
بالطبع لم يفاجئنى حضور جيش مصر كما اسميه من شقيقاتى واشقائى بأزواجهم وزوجاتهم وبالطبع معهم ال16حفيد ليصبح منزلنا مهرجان كبير..كل ده عشان اول مرتب..؟
لا ليس ذلك هو ما اتى بهم بل لان البنوته الصغيره اشتغلت ووقفت على رجليها..ونتيجة تعبى جاء اول مرتب..
اليوم سنصنع وليمه ارجو ان تكفى القطيع..طبعا ده بمرتبى كله..لكن لا يهمنى هذا يكفى ان نجتمع سويا مجددا..شقيقات واشقاء والاحفاد ومعنا امى..وابتسامة كبيره على وجوهنا..
حلاوة اول مرتب ليها طعم خاص..والجدير بالذكر انها جاءت بعد تعب مما زاد من حلاوتها..
التعب حلاوته مره بس يستاهل
واتفضلوا معانا

هناك 9 تعليقات:

ضحكات الحياة يقول...

أول تعليق

نحجز و نرجع تانى

ضحكات الحياة يقول...

شكرا على الحلويات

فعلا أول مرتب بالذات بتبقى حلاوته جميلة جدا

أول شغل و اللى بيحسسك أنك خلاص بدأت تحقق ذاتك

يا رب نشتغل بعد التخرج بس

و مبروووك

أسماء علي يقول...

ماليش دعوة

أنا عايزة عزومتي بقى
ممكن تجبيلي شيكولاتية كده و أنا هاسكت و مش هاصيتلك

آه بجد

:))

مبرووووك و عقبال اللي نفسك فيه بقى بس هاتي الشيكولاتية
ماتنسيش

عمرو يقول...

ألف مبروك يا زهرة
فعلا حلوة الفرحة واللمة ومش مشكلة المرتب بس المهم إن الناس كلها حواليكي في مناسبة جميلة زي دي
ربنا يسعد أيامك كلها
:)

هاني مهران يقول...

على فكرة

اسلوبك فى السرد ( الحكى )

حلو قوى


ويارب تحققى احلامك

على فكرة انا فتحت التعليقات على موضوع خالد
اتمنى تشرفينى


تقبلى مرورى

noon kiko يقول...

والله يا سمسمتى مافى حاجه تغلى عليكى..انتى بس قولى اشوفك ازاى وانا اجيبلك احلاها شيكوته..دانتى بتكلمى مدمنة شكولاته..
اينعم المرتب طار ههههههههههه بس هتصرف واجيبلك..
طبعا متخافيش جيب السبع...هههه قصدى القطه ما يخلاش
ومتغيبيش عنى كتير بتوحشينا

noon kiko يقول...

استاذى عمرو..هييييييييييييييييييه..فينك يا عم..والله شرفتنى..معاك حق كفايه اللمه..والله فرحتهم كانت عندى بمليون مرتب
تصدق ليها طعم تانى

noon kiko يقول...

بحب الحكومه
طبعا هاجى..دانا لزقه بس اللى ميزهقش من تعليقاتى
وميرسى جدا على مجاملتك..ولو انى هصدقها ههههههههههه

سارح فى ملكوته يقول...

الف مبروك على المرتب وانا كمان عايزة شوكولاته
وانا خلاص شبط بقه
المهم اسلوبك جميل جدا انا اتخيل 16 حفيد والبيت شكله كان عامل ايه بس تعرفى بيبقى جو تحفة
بصى انا مش هتقل عليكى مستنية للشهر الجاى
مع خالص تحياتى