dream

dream
am yours

الأربعاء، 29 يوليو، 2009

من سطور يومياتى.....هو فى ايه؟


يعنى تتكلم براحتك وتكون مثقف وتكلم ناس ياما..دكاتره وصيادله ومثقفين وتنهى كلامك معاهم بسؤال يسألوه انت خريج ايه..ترد وتقول بكالوريوس الخدمه الاجتماعيه..فتجمدك نظرة مصعوقة وكلمة مصدومة..نعم ..؟00معهد؟
وكانه وباء وليس مجال دراسه..
ان تكون خريج معهد خدمه..هو ان تذهب وانت فى قمة الشياكه(لابس اللى على الحبل
الى مؤتمر من مؤتمرات السيد المحافظ وتناقش مع الصحفيين اهداف المؤتمر..وينظرون لك بكل احترام..ويؤخذ كلامك على محمل الجد من قبل المحافظ والحاضرين وبعد انتهاء المؤتمر يشد الجميع على يدك اعجابا بمهارتك فى اختيار الكلمات وانتقاء عباراتك..وينتهى الحديث بنفس السؤال ومن ثم بنفس الاجابه التى تعقبها نفس النظرة المصعوقة ونفس الكلمه المندهشة000..
هو فى ايه؟هذا سؤال يلح على عقلى مرارا وتكرارا..هل خريجى خدمه لابد ان يكونوا جهلاء..تافهين..عقولهم خاويه الا من العلاقات السطحيه والحوارات التافهه..؟
ليس من حق خريجى خدمه التطلع للوصول الى طبقة المثقفين ومصاف الكتاب؟ومن يخترق منهم القاعده ويحاول الوصول الى هؤلاء ينظر اليه شذرا وكأنه اتى عملا منكرا..
عملى بالرسم..ومؤهلى فى الخدمه الاجتماعيه..وهوايتى الكتابه..ماالعلاقه التى تربط كل هذه الاشياء.؟.انا هى تلك العلاقه..انا التى تربط كل هذه الاشياء..فمن اراد ان يعرفنى هكذا فلا بأس..لكن لا تنظروا لى وكانى ارتكبت جريمه حينما خطت قدماى معهد الخدمه الاجتماعيه
.ذهبت يوما لاستعارة كتاب من مكتبة ما فنظر لى امين المكتبه وقد جذبته اناقتى وخفة دمى..فمنحنى الاستماره بابتسامه وسألنى وانا اكتب بعض البيانات ..هى الآنسه بتدرس ؟وكنت وقتها قد انهيت للتو بكالوريوس معهدالخدمه فأخبرته بذلك فتحولت الابتسامه على وجهه الى غضب غير مبرر..وقد امتقع وجهه بشكل اخافنى..وتحولت النبره الذوق الى اسلوب اخروقال لى بلهجة ساخره وهو يرمقنى بنظرات سمجه:انتى على كده متخرجه من معهد000(يقصد عميد المعهدواستطرد..
اللى بيسموه00000000
اغاظنى كلامه حتى الموت..وددت لو اعود الى بيتى وامسك بشهادة التخرج وامزقها اربا ..
كل يوم ياتى السؤال ليفرض نفسه على حياتى ..نفس السؤال كل يوم..انتى خريجة ايه.؟.واجيب بنفس الاجابه ..لافاجىء بنفس النظره المصعوقه والكلمه المندهشه..معهد؟
ويلح على عقلى نفس السؤال..هو فى ايه؟

هناك 14 تعليقًا:

اقدم عاصمه فى الحب يقول...

السلام عليكم

ده انا لو منك افرح
انا حالتى ممكن الناس يقولوا عليها اقل من حالتك
انا تخرجت من معهد فنى تجارى طنطا
كنت فاشل فى الثانويه العامه
بس ذاكرت ونجحت وشغال فى مجال الكمبيوتر والدراسه نفعتنى فيه
وهتعيين فى شركه مصر للغزل والنسيج موظف حكومى قد الدنيا وانشاء الله هكمل تجاره وهعيش حياتى
وعلى فكره انا بواجهه نفس المشكله بتاعتك لكن انا بتقبلها بإبتسامه بتوحى بالسخريه انا اللى بسخر يعنى
علشان الانسان اللى قدامى اول لما يقول كلمه شبه كده او فعل شبه كده يضايقنى بسبب انه عرف انى فنى تجارى كده بيبقى هو جاهل بالكتير وتفكيره ضيق وساعتها بقه انتى المفروض تفرحى ان انتى احسن منه
.
.
مش عارف اوصلهالك ازاى بس عادى يعنى احمدى ربنا انها جت فى الشهاده بس
.
واللى يشوف بلاوى الناس بقه
.
يا ريت تتقبلى مرورى
.
مودتى :)

اقدم عاصمه فى الحب يقول...

ايه ده انا اول تعليق
مش معقول
.
.

اقدم عاصمه فى الحب يقول...

اعزرينى اصل انا بحب الاعداد الفرديه
خليهم تلاته بقه
.
.
اسعدنى المرور من هنا

واحد يعرفك يقول...

كلامك يدل على معدل ثقافة متوافق مع تطور تدريجى فى انبعاج اللغة ومتماشى مع ترتيبات المحاور الاولية لمعجم التعبيرات المستدلة

قولتيلى انتى خريجة ايه ؟؟

انتى : .........

انا : ( نظرة مصعوقة ) ربنا يحنن عليكى

بحب الحكومة يقول...

موضوع جيد بالنسبة لمؤهلك

هههههههههههههههههههههه

ماتحوليش تاخدى المواضيع على صدرك

انتى مكبرة الموضوع زيادة عن اللازم لانك نفسك فى دراسة اعلى من خدمة اجتماعية
صدقينى الموضوع ابسط من كدة خالص


تقبلى مرورى

زهره ربيعيه يقول...

اسيب المدونه يومين اجى الاقى الموضع عامل انقلاب..ده غير رسايل الموبايل والايميلات..خير يا جماعه عموما انا جيت

زهره ربيعيه يقول...

اقدم عاصمة فى الحب
انت اهو بتعانى زى حالاتى..انا بعانى مع قافة مجتمع فاشل ..لكن انا متفرقش عندى الؤهل..لانى واثقه فى ثقافتى وامكانياتى وادواتى ثقه عمياء..وعشان كده انا بقابل نظرتهم المصعوقه دى بابتسامة سخريه..واحيانا بنفض خالص..واقول اللى عاجبه عاجبه واللى مش عاجبه يشرب م البحر ههههههههههههههههه
على فكره انا مواليد شهر 3 يعنى ارقام فرديه طحن
وانا اتشرفت بوجودك ويارب دايما تتابعنى

زهره ربيعيه يقول...

بحب الحكومه
بتتريق حضرتك ههههههههههههه
ماشى يا جميل مقبوله منك..بس انا والله مش مكبره الموضوع هو فعلا كبير كبير اوى
احنا فى مجتمع جاهل ثقافيا..مجتمع لنا فيه الله..وربنا ما يسمعك اللى بنسمعه..والله انا بفكر انتسب كليه عشان اخلص من لعنة خدمه

زهره ربيعيه يقول...

واحد يعرفك
انت بقا حكايتك حكايه وعايزلك قعده ..هههههههههه
انبعاج فى اللغه..ومحاور اوليه..انت راكب مكروباص فوق جسر السويس ولا ايه؟
استيقظ وركز واصحى..انت فطرت قبل ما تعلق..ولا ايه..ههههههههههههه
شكلك هتدخل مدونتى من هنا ورايح بالكارنيه..تطلع الكارنيه ادخلك عشان متعملش شغب فى المدونه
قال انبعاج قال
ومحاور اوليه
رفرف عربيه انا

Isolde يقول...

بصي يا بنتي دي بلد بنت... و لا بلاش عشان انا مؤدب. بس عالعموم طول ما انت هنا اعملي حسابك ان الناس هتبصلك من خلال مؤهللك، و ظيفتك، و بعدين و ظيفة جوزك، و بعدين ولادك بقوا دكاترة و لا يا حرام دخلوا معهد. قصة و مش هتخلصي منهاـ ف بدري بدري كدة كبًري الجي و روّقي ال دي و عيشي مع نفسك و باللي انت مصدقاه و حاسة انه صح، ما دام مش عيب و لا حرام... و اللي يبصلك نظرة مصعوقة تاني بصيله بصة" جتكوا نيلة مليتوا البلد"

فتك بعافية يا اختشي :)

صمت الحنين يقول...

السلام عليكم ورحمة الله وبركاته

عمر الانسان ماكان بشهادته ولا دراسته
الانسان باخلاقه وشخصيته
ياما ناس معاها شهادات عاليه ولا يفقهون شيئ فى اى شىء
وياما ناس مش كملوا تعليمهم وبيعرفوا اكتر من اللى معاهم شهادات عاليه
ناس لها عقول بتفكر بيها وبتثقف نفسها
وانا اعرف ناسى مؤهلها بسيط وتتكلمى معاهم بجد تحسى كلامهم وثقافتهم احسن بكتير من خريج الكليات العليا
وانتى مش يهمك نظرات او كلام الناس
اهم حاجه تكونى راضيه عن نفسك وحابه نفسك كده
ومدام مش بتعملى حاجه تغضب ربنا خلاص مش يهمك الناس فى شىء
دمتى بكل خير

زهره ربيعيه يقول...

على رايك يا ايزولى..والله جاتكوا نيله مليتوا البلد..الكلام ده موجه لاى حد يفكر يسخر من مؤهلى..ها اى حد..
والله دى بلد تعبانه
يالا ربنا يشفيها
على فكره نفسى اكتب حاجه فرايحى تناسبك بس سامحينى البلد دى تكئب باللى فيها

زهره ربيعيه يقول...

صمت الحنين..شرفتى المدونه بجد نورتينى..بالنسبه لانى واثقه ف فسى فللاسف من كتر ثقتى بنفسى بخسر كتير..ثم انا حابه نفسى كده..انا كده ومفيش غير كده عندى مفيش حل تانى
اللى هيحب فيا هيحب شخصيتى..وطبعا خفة دمى الغير عاديه هههههههههههههههه
واللى مش عاجبه ده كله يشرب من البحر..ولا ايه؟

سارح فى ملكوته يقول...

بصى مبدئيا جرعة حسدعلى الماشى علشان الثقة بالنفس
لانى واحدة مبثقش فى نفسى خالص
ثانيا المهم تكونى انتى بتحبى الخدمة الاجتماعية
ده يا بنتى انا كان حلمى فىوقت من الاوقات اكون عربجى من غير نظرة مصعوقة ولا تريقة ولما كان حد يقولى وانا ماشية مع بابا
وانت بقة عايزة تطلعى ايه واقوله بابا كان يبقى عايز يموتنى
بس والله خدمة اجتماعية ناس جامدة جدا
تحياتى