dream

dream
am yours

السبت، 18 يوليو، 2009


ماتجوا نضحك


كنت بسمع دايما ان الضحك بيطول العمر...طاب امال ليه ما بنضحكش؟؟؟ليه دايما مرسوم فى وشنا111؟؟؟ده بيفكر فى المرتب اللى خلص من اول الشهر..وده بيحسب اخد مرتب كام وباقى منه كام.....صحبتى دايما مكتئبه..عايزه تتجوز..اضحك وانا بسألها"ليه مستعجله على النكد؟..تقوللى شر لابد منه..اقولها طاب افرديها عشان ربنا يفرجها..ومفيش فايده..يابنتى احنا لسه 23 سنه..متخافيش مركبناش قطر العنوسه.وبردوا مفيش فايده..كانها خايفه تضحك...واقابل واحده تانيه اتجوزت..الاقيها شايله طاجن ستها..اسالها مالك تقوللى قطع الجواز وسيرته والعيال وخلفتها..والله حاجه تضحك..
وكل ده ومابنضحكش..
طاب ماتيجوا نعمل مهرجان للضحك..لاحلى ضحكه من القلب..او لاكتر حد بيضحك..او نخصص يوم للضحك..ننسى فيه الهم..والمرتبات..والجواز..والعيال وابوهم..ونضحك
اضحك ..اضحك..اضحك..اضحك.اضحك..ليه تتضايق وتزعل وتغضب..اضحك دايما وافرح والعب..
ها ايه رايكم...تيجوا نضحك؟

هناك 6 تعليقات:

عمرو يقول...

أنا دائماً أقول أن السعادة تنبع من داخلنا ولا يعطيها لنا القدر
There is no way to Happines. Happiness is the way.
تقبلي تحيتي
:)

زهره ربيعيه يقول...

وماله.نعملsearchجوانا ويمكن نلاقيها..لا اكيد هنلاقيها..وعلى رأى القائل:هناك الف طريق للسعاده فوق جسور اليأس

غير معرف يقول...

بالنسبة للموضوع بتاع ما تيجوا نضحك هو من المواضيع اللايت بس هو لايت قووي فكرته كويسه بس كان ممكن يتكتب احسن من كده شوية هو مأثرنيش خالص في طريقة الكتابة
حازم عبد الرحيم علي

زهره ربيعيه يقول...

والله ان كنت بفكر اكتبه بطريقه فصحى بس انا فاكره ان مره استاذى محمد عبد المطلب..انتقدنى ف انى بكتب بلغه اكبر من سنى..ومش بتناسب موضوعاتى احيانا..وطبعا بما ان الموضوع بسيط..حبيت انى اكتبه على لسانى..بالعاميه..عشان يحتفظ ببساطته ويناسب الجميع..بس دى الفكره

maro يقول...

ولية مانضحكش لية فية اية فى الدنيا يستاهل نبكى علية لية منضحكش لية اضحك واوعى تخلى الحزن يسيطر عليكدى واللة الدنيا ما تستاهل دمعة من عنيك..... اضحك واوعى تخبى فرحة عنيك.....maro

زهره ربيعيه يقول...

قولهم..دول مابيصدقوا يلاقوا حاجه يبكوا عليها وهاتك يانواح..عايزين تغيير ..كفايانا هم وغم وامراض ماتتلم..ولا ايه؟