وجع تيك اواى

اه هكتب وانا مخنوقه...بكم الكوابيس اللى بقت بتطاردنى ف نومى من غير سبب...كوابيس عن حاجات مش عارفه الاقيها وشوارع بتوه فيها وعن حاجات بضيعها وبتوه منى وببكى عليها.....هكتب عنك..لانى من يوم ماعرفتك وكل حياتى اتغيرت..حبيتك من اول يوم اتكلمنا فيه وكأنى اعرفك من سنين.....ولا اقولك مش هحكى ف كلام حكينا فيه..تقريبا انت بقيت بتمل وانا زيك قربت امل وازهق منى...
معلش بقى انا لما بحب بفضل اعيد وازيد ف نفس الكلام اللى يزهق


مش لاقياك..زى اى حاجه تاهت منى الايام دى ومش لاقياها انت كمان بتتوه.....بدور عليك..مشغول....ولما استناك عشان نتكلم تتشغل بالكلام مع غيرى...منكرش ان قلبى بدأ يزهق... بدأ من غيابك يتعود على غيابك....بدأت ارجع نون تانى اللى بتعمل الحاجات لوحدها من غير حد..بدأت ارجع تانى اخرج وانا مش بستئذن غير ماما استئذان عشوائى...


بقيت بحاول اتأخر بره يمكن تحس غيابى ولا ماما تكلمك تشكيلك منى فتكلمنى وتقوللى بلاش تتأخرى بره انا بخاف عليكى..تفتكر انت بتخاف عليا؟؟؟تقريبا لا...ايون منا من يومى زى ما بابا كان بيقول راجل ميتخافش عليا ...بس انا عايزه يتخاف عليا.عايزه ابقى بنت بيتخاف عليها منك....اومال انا وافقت على انى اتخطب ليك ليه؟؟فكرك كان هدفى اعيش الوقت معاك حب وضحك اربعه وعشرين ساعه بس؟؟لا ...نفسى ابكيلك انت بس مش ادفن راسى ف المخده وابكى زى منا اتعودت وحدى....نفسى اجى احكيلك عن حاجات واجعانى وتسمعنى ...واسمعلك صوت بيناقشنى مش تقوللى معلش يا حبيبتى مش عارف اقولك ايه...قوللى تعالى نفكر سوا ونلاقيلها حل يمكن لو حاولت تشاركنى بصوت عالى نلاقى حل....نفسى تقوللى مترجعيش البيت دلوقتى وحدك وانا هاجى اوصلك ولا قوللى متروحيش المكان ده وحدك ..انا جاى معاكى....كلمنى مره وانا خارجه قوللى رايحه فين وراجعه امتا....شوفنى نفسى ف ايه..قوللى ان فى حاجه ف فاترينه شفتها لايقه عليا ..انشالله تكون بسكوته بربع جنيه....ليه فجأه بقى بيننا فجوه....ليه فجأه اتاخدت منى ومش لاقياك.....بستنى للفجر عشان اعرف الاقيلك وقت اكلمك فيه وبردو تروح تكلم غيرى...مهما كان غيرى ده يكون حتى لو كان امى...ليه بتدى من وقتى معاك لغيرى؟؟؟انا معاك بخلى وقتى كله ليك.....ليه رجعتنى تانى ابقى وحدى...ليه رجعت تانى افكر وحدى واحلم وحدى واحط راسى على المخده واعيط وحدى ورجعت احلم بخيالك يشاركنى حياتى؟؟؟؟عارف ...مش قادره اوصفلك كم الوجع جوايا أد ايه....غيابك جرحنى وانا طبعى بسكت.....
ليه بقيت بحس انى غريبه...اما تزعل بعرف من غيرى انك زعلان..واما بتتخنق من حاجات ..بردو غيرى بيعرف قبلى...هو انا وجودى ف حياتك ايه؟؟؟اباجوره يعنى؟؟؟ولا شوال بطاطا مرزوع ف اى حته وخلاص.....دبلتك ف ايدى دى كانت ليا؟؟تفتكر كانت ليا؟؟؟واما هى ليا ليه حاسه انك ف وادى وانا ف وادى والدبلتين بتوعنا ف وادى تالت ليه؟....

اول مره فراشتك تحس ان فى حد كسر جناحها ومش عارفه تطير....
كنت بطلت تكتبلى ولو سطر عنى...وانا بطلت اقولك اكتب...مبقتش بحس حلاوتها لما بتكتبلى لما انا اقول.....بطلت تدورلى على اغانى تعجبنى وتقوللى اسمعيها..بطلت احس انى حبيبة حبيبى...زعلى مش عشان مش لاقيه اصحابى زى منتا فاهم..انا لو دورت هلاقى كتير اخرج معاهم وهيتبسطو اوى..بس اوقات بيبقى نفسى انت تقوللى تعالى نخرج..تقوللى نفسى اشوفك..تفتكر بوحشك وبيبقى نفسك تشوفنى؟؟؟؟معتقدش..بجد مبقتش حاسه كده....اما بقولك انى مستعده احذف اى شخص عشان انت متزعلش تقوللى لا طبعا انا مش هلغى شخصيتك..مش فاهمه انا اومال لو انا مش هفكر ف زعلك المفروض افكر ف زعل مين؟؟؟ ليه محسسنى انى عندى وقت فراغ بطلع نكده عليك؟
ليه بتنسى تتصل بيا ومش بتعملها الا لو انا رنيت او لو قلتلك اتصل؟؟؟ليه كل الوجع اللى زرعته فيا ده ..انا بموت فى صمت ومش حد عارف....عاجبك اللى عملته فيا ده؟؟؟؟خلاص هتعود على ان نون وحدها تانى...مبروك علينا خطوبه رجعتلى الوجع اضعاف

الغياب...افة الحب...وسقم الروح

ابحث عنى..انا فى مكان ما..اغوص وانتظر يديك..


انا فى مكان ما انطفىء وانتظر عينيك..


ابحث عنى...انا فى مكان ما اناديك وانتظر مجيئك..




انا فى مكان ما..احبك..
امنحنى وهج عينيك ليكون وطنى..وطنى الوحيد..ضد اوطان البشر..
اه امنحنى حبك..فلا ادخل حربا من حروبهم ولا يأتينى خبر السلام...ابدا
مد لى يديك..حبيبى مد لى يديك..من فوق حقيقة هذا العالم..
حبيبى...فلا ادخل حربا من حروبهم ابدا
احبك..ابحث عنى
ماجده الرومى

وبناقص حلم

اقف على ناصية قلبك....نفضه كويس..طلع كل الكراكيب اللى ملهاش لازمه اللى زحمت بيها قلبك....ارمى الحاجات اللى بلا قيمه فيه بعيد اووووووووى....مش كل حب بينتهى بسعاده واتجوزو وعاشوا ف تبات ونبات وخلفو صبيان وبنات وطالما ان مش كل حب بينتهى بسعاده ليه شاغل نفسك بحب جابلك الوجع والالم ليه؟؟؟هو عايش ومرتاح..ولا اقولك بلاش مرتاح..لانه جايز مش مرتاح مش بسببك بس لان ربنا بيسلط ابدان على ابدان...يعنى وراد ان ذنبك هيخلصهولك غيرك....شاغل نفسك ليه بقا؟؟سامحه..صاحبك قاللك سمحه فلازم تسامحه...عشان الميتين مش بيجوز عليهم غير الرحمه....ولازم نسامحهم عشان روحهم متفضلش مرزوعه حوالينا بتحاوطنا وتقرفنا ف عيشتنا.....سيبه يروح بذنبه لحال سبيله وانت كمان سيبك....روح دور على حلمك ف مكان تانى ونفض قلبك...خد منه كل الزباله المكومه فوق بعض دى وواخده حيز وروح روقه على مزاجك..هاتلك حلم هزاز ولمبة جاز وقله وزير وشوب عصير وزيح...ولو حكمت اركب مراجيح....ماهو الحلم مواسم ومناسبات..ولو حتى كان على روح ميت مات...احلم على روحه..وكفايه تدعك ملح على جروحه..اللى هى ف الاصل جروحك..فاكر لما كنت تقول هتفديه بروحك..وان جراحه تهد قلاعك وصروحك ..المه بيكويك..تفتكر لو وجعته هتنام لياليك ...ولا وجعه هينزف فيك...انساه..ضيعه ف زحمة الحياه...قول لنفسك ان اللى بيضيع عمرنا مابنلقاه...قول لحلمك كان حلم وتاه....وبلاش تبكيه..
مسيره هيتوجع مش منك..ولانك قلبك مش زى قلبه...هتكون احن ..هتكون اطيب لان..مش كل البشر قاسيين..

اقف على ناصية قلبك ونفضك كويس وروح هاتلك حلم وابدأ تانى فيه

نون

صدفه

يااااااااااااه كنت نسيتها..وفجاه كنت بفتش بالصدفه ف كراكيبى وافتكرتها..مدونتى...كان عندى اتنين..واحده سياسيه وواحده رومانسيه..كنت زى اللى عندها انفصام ف الشخصيه..بنوته رومانسيه اوى والتانيه مناضله وبتحب تتجر ورا المشاكل السياسيه..فاكره ازاى قررت اتدرب ف المعاشات عشان اعرف اجيب حقوق الارامل والمطلقات ويوم ما اشتكيت الراجل اللى بيدربنى ادالى تقدير مقبول رغم انى الوحيده اللى اخدت تقدير زفت كده..وفاكره لما رحت اشتغل ف جرنان واول ماخدت تصريح بدخولى اى مكان رحت عملت حوار مع المحافظ ويومها رئيس التحرير بهدلنى لان كان محور موضوعى النافورات اللى بتتعمل ف محافظتنا وتتهد من فلوس الغلابه هى والجناين اللى بقدرة قادر بتتشال منها الزرع وتتعمل نافوره وترجع بعدها تتهد وتتعمل تانى جنينه وكله من دم الغلابه..ياااااااااااااااه ايه اللى غيرنى وخلانى ساكته...ايه اللى كسر الحماس اللى كان جوايا..وهو ايه اللى مايكسرش؟؟كل حاجه اتغيرت اوى

بس مسيرى هرجع طول مانا مش بعرف انسانى ومهما تهت منى برجع

عوده..اتمنى الا اهرب من نفسى مرة ثانيه

ترى كم مر من الوقت منذ اخر مره اتيت فيها الى هنا؟
قد يكون مافات ليس اكثر من بضعة اشهر اراها انا الان اعوام..اشياء كثيره تغيرت فيا..اشياء كثيره اصابها الصمت بالشلل..لم اعد تلك الفتاه النحيله التى تفكر فى تغيير الكون باتسامتها الغير متكلفه..لم اعد تلك الفتاه التى تنام وهى تحلم بثورة تشبه ذلك الانقلاب الذى قاده جمال عبد الناصر وغير كثيرا من معالم مصر..لم اعد تلك الفتاه التى تؤمن بالتغيير..لكننى بدات اعود الى رشدى

اتلفت حولى فاجدنى فعلت ككثيرات مثلى..دخلت فى عالم تكبير الدماغ كما يقال بلغة ذاك العصر

نهضت ذات يوم وانا مشبعه بالملل..قررت اعتزال تلك الاشياء التى اعتدت عليها..قاطعت مكتبتى الصغيره وضممت اليها افكارى السياسيه التى كنت استند اليها..قاطعت حواديتى التى كنت انام عليها..قاطعت تلك الفتاه المشبعه بالاحلام داخلى..واستبدلتها بفتاة اكثر تفاهة واقل قيمه..فتاة تشبه عرائس باربى التى نراها فى واجهات المحلات وفى الشوارع وفى كل مكان..اردت ان ارى ماذا سيحدث ان اصبحت كباقىالفتيات

فضللت

وتهت عن طريقى

لكن انا هنا الان

لم اخسر من تلك التجربه كثيرا

بل استفدت اكثر

واعلم اننى قادره الان على تحمل الواقع اكثر من ذى قبل

فهشاشتى ورقة طباعى السابقه اصبحت الان اكثر صلابه..واكثر مقدرة على معايشة الواقع ومحاولة اصلاحه..وخلق قوس قزح فى افقى

Here I Am Bryan Adams Mp3 Downloads

برايان آدامز

here iam

Here I am -

this is me There's no where else on earth I'd rather be

Here I am

- it's just me and you And tonight we make our dreams come true

It's a new world

- it's a new start It's alive with the beating of young hearts

It's a new day

- it's a new plan

I've been waiting for you

Here I am

Here we are

- we've just begun And after all this time

- our time has come Ya here we are

- still goin' strong Right here in the place where we belong

Here I am

- this is me There's no where else on earth I'd rather be

Here I am

- it's just me and you And tonight we make our dreams come true

Here I am

- next to you And suddenly the world is all brand new

Here I am

- where I'm gonna stay

Now there's nothin standin in our way

Here I am

- this is me

جاذبيه

دوما هناك مايجذب الفتيات الى الرجال من اول نظره
وتراى واحده تتبع بعيناها احدهم تحاول بلورة شخصيته..
يجذبنى النظر الى شاب ما احيانا شىء واحد..طالما لم يتطرق بنا الامر الى الحديث فانا لا اقيمه بناء على حديثه او على مقدار رقيه اللغوى..او مقدارثقافته..بينما من استطاعوا لفت انظارى كان محط انظارى هو شىء غريب..حذائهم
نعم
اول ماتقع عليه عيناى هو الحذاء
ربما لاننى انظر الى الارض كثيرا ليس خجلا وحياء بقدر ماهو تأمل..تعرف امى جيدا حبى الشديد للنمل..تلك الحشرات المتوحشه الصغيره التى تطاردها امى فى ارجاء الشقه هى من اقرب الاشياء لقلبى..وكثيرا ما اقف اثناء سير بالطريق لاتأمل احدى النملات الكبيرات تمر اسفل قدمى واكاد ادهسها بحذائى..
ولذلك السبب فأن اول ما يقع عليه نظرى اثناء سيرى هو الحذاء
الشاب الروش يرتدى عادة سليبر..هو شىء يشبه الصندل وقد يرتدى كوتشى يالوان جذابه..
الشاب الكاجوال قد يرتدى حذاء خفيفا الوانه بنى محروق والكمونى..
الشاب الرصين
حذائه كلاسيك..يميل للالوان السوداء والبنى
الشاب العاطل
شبشب بصباع او شبشب جلد
سائقى المكروباص
احذيه بوت مثل احذية الجيش فى الشتاء
وبلا احذيه اثناء القياده ف الصيف

طبعا البوست ده جنانا ف جنان
بس ده فعلا اللى بيلفت نظرى
بحب جدا الجزم الرجالى..بحب اتفرج عليها ف الفاترينه
بحب الجزم الكاجوال بألوانها الغريبه اللى مفيش منها بناتى
طبعا مزاج مطين زى ما ماما بتقول
هههههههههههههه
عارفه

بس ملحوظه

انا مش بحكم بناء على المظهر زى ما البعض فهم

كل الحكايه انى لما بمشى ف الشارع مش بنتبه لوسامة الشاب ولا أى شاب اصلا بس بيلفت نظرى الجزمه

بس لو وصلنا لمرحلة تقييم حقيقى للشخص اللى امامى

طبعا هقيم بناء على اخلاقه اولا ثم ثقافته ولغته ورقيه الفكرى وده اللى كتبته ف اول البوست ومحدش خد باله منه

:):)

اطمنى

عندى هدوء وسلام نفسى رهيب

رغم اصعب ازماتى حاليا

بس مش عارفه ليه لقيته بيهمسلى بأغنيه قديمه اوى

اغنيه لمطرب مغمور اسمه احمد فوزى

اطمنى

اطمنى هييجى يوم ونعيش سوا

اطمنى

اطمنى ايام ..سنين ..هتفوت هوا اطمنى

اطمنى هنكون لبعض

احلامنا بكره تلاقى ارض

مش هتفضل طايره تايهه ف الهوا

صعب الطريق

من اوله

لكن اكيد

هنكمله

طول مانا شايف روحك جمبى

عمر الخوف ماهيعرف قلبى

اوعدك

لو طال طريقنا ولا تاه

نوصل لابعد حلم لينا ف الحياه

اطمنى هييجى يوم ونعيش سوا

اطمنى

ايام

سنين

هتفوت هوا

اطمنى

طبعا الامضاء

الشاطر حسن اللى ف حواديتك القديمه

لسه مقابلتكيش

يمكن مكونش اصلا ليا وجود ف الواقع

بس الاكيد

انى اقابلك هناااااااااااااااااك