dream

dream
am yours

الأحد، 7 يوليو 2013

يوميات فتاه مش عارفه رايحه على فين

عمرك حسيت بغربه جوه وطنك؟
اكيد
عمرك حسيت انك ف عالم تانى واللى حواليك عالم لوحده؟
كتير
قلت تهرب ولقيت ان الهروب مالوش طريق؟؟؟
انا بعمل كده كل يوم...بهرب لحلم لوحدى..........بحاول ادخل دنيته وكتير بحسها مش دنيتى....اوقات كتير بقول لنفسى الحب حاجه والواقع حاجه تانيه...وانى لازم اتأقلم مع الواقع بس لقيتنى كده برضخ لاول مبدأ انا رفضته مبدأ جواز الصالونات...ومش فاهمه ازاى تكون جوازة صالونات وانا اللى اخترته وحبيته قبل ما يتقدملى وهو اختارنى من قبل منا اصلا افكر فيه ولا افكر احبه..........زبس معقول بعد الجواز الامور ترجع زى ماكنت بتمنى؟؟؟؟كتير من البنات بتتخطب وتفتكر الحياه ضحكتلها تلاقى الحياه لسه مكشره....مش زى البنات بقوله نخرج ولو انى ايام امتحاناتى كنا نفسى مره يقوللى هستناكى قدام الجامعه ...كان نفسى احس لاول مره ان ليا حد قلقان عليا ف الامتحانات....بس مش مشكله بقول وراه شغل ونايم..............مش زى البنات بقوله عايزه هدايا ولو انى كان نفسى ف فانوس رمضان احس بيه ان فعلا رمضان على بعد تلات ايام مننا...من حقى اتبسط زى طفله بفانوس جديد....ف وجهة نظره خلاص جبتلك واحد السنه اللى فاتت..ياعزيزى الفرحه بانك تجيب تانى لوحدها كانت كفيله تخليك تجيبلى بدال الفانو
س عشره بس انا دلوقتى مش عايزه خلاص فوانيس..رمضان بقى مطفى جوايا........حاولت ارجع افتكر السياسه اللى كرهتها عشانك وياريت عاجب كل مكالمه اكون مستنياها بيحولها لساحة شجار على امور سياسيه..كل خروجه بقت بتروح على النقاشات السياسيه اللى بتبعدنا اكتر ما بتقربنا انا زهقت.....فعلا زهقت ومش عارفه طاقتى ممكن تستحمل العمر كله ف المهاترات دى؟؟؟؟هتستحمل انى اضيع عمرى ف السياسه؟؟؟لما بشوف حياتهم ضايعه على السياسه ووقتهم وسعادتهم ضايعه على السياسه حتى علاقاتهم الاجتماعيه بتبوظ بسبب السياسه بخاف...............................زانا خايفه من بكره...مش عارفه هيودينى على فين 

هناك 3 تعليقات:

نيللي علي يقول...

بصي يانور..لازم تصارحيه وتقولي علي اللي نفسك فيه..وشاركي في السياسة بس لازم تقوليلو إنه لازم بشارك اهتمامتك..الراجل تفكيره مختلف عن البنت وده عادي.. ولازم تعرفي أن الراجل لما بيحب البنت شوية شوية بيفهم وبيغير من تصرفته, الحياة كدا وبعد الجواز كدا.لازم يكون الطرفين متفهمين وصرحه مع بعض..وهتلاقي كل الخير إن شاء الله..وقوليلو أنا عاوزه فانوس أنا بنتك الصغيورة وتفضل تجبلي حتي لو عندي مليون سنة:)

Sheroo يقول...

لو بتحبيه متشليش جواكى
و قوليله انك عايزة تشتكيله منه
قوليلوا يا حبيبى فى واحد حبيبى
و أحكيله
فهميه ايه اللى بيفرق معاكى
عرفيه إن الحاجات دى هى هى اللى بتحلى الحياه بعد الجواز
علشان بعد الجواز بيتبقى فى إهتمامات تانيه كتيرة و مختلفة
عرفيه إن الشوكولاتااية بتفرق معاكى
كلميه كل مرة قبل ما تتقابلوا و قوليلوا هاتلى معاك و إنت جاى شوكولاته
لمدة شهرين تلاته أربعة
علشان يتعود
وبعد كده متقوليلوش هتلاقيه بيجبلك لوحده
قوليله هاتلى وردة هاتلى فانوس إدينى العيدية
هما مش بيبقوا فاهمين ده (دى طبيعة الراجل)
بس أما أنتى تفهميه بطريقة غير مباشرة و تبتدى تعوديه هيعملك اللى انتى عايزاه
و قوليله إنك مش عايزة تتكلمى فى السياسة

إن الواحده تلاقى حد بيحبها بجد و بيتمنى يسعدها دى حاجة بقت نادرة دلوقتى

ربنا يهنيكو و يهدى الحال

noon kiko يقول...

ع فكره انا عملت كل اللى بتقولولى عليه واااااااااااااكتر بس تقريبا فى حلقه مفقوده ...بحاول الاقيها عشان يكمل النص..