dream

dream
am yours

الخميس، 31 ديسمبر 2009

من جديد


فى مثل هذا اليوم من كل عام..تسقط من ذاك القلب المهترء وريد اخر..كان يضخ الدم لشرايينى...كل عام يضيع امل ..كل عام يمعن هو فى الاغتراب عنى..بينما امعن انا فى البحث عنه..لا هو يقترب ليعرفنى ولا انا اعرف من هو...كل عام يوشوشنى الجو البارد وهو يقرص اذنى..كونى اميرته حينما ياتى..ولا تكونى خيالا لا يراه.

ولا هو يرانى ولا انا اراه.

كل عام..انتظر بابا نويل لياتى به فى جعبته..عساه يكون ضل الطريق الى فياتينى به..لكن يمر الليل ولا يأتى..فقط رزع اعاصير الشتاء على نافذتى البارده..

كل عام اعلم انه طيفا لم يهرب بعد من واقعه ليلقانى..محجوز خلف اسطورة الاميرة والضفدع..وكل عام..يموت سطر من سطور حواديت فى ذاك القلب المتجمد..لم يدق ابدا..او لم اسمع دقاته من قبل..قد اكون سمعتها اليوم تهمس لى..عودى بصمت فلستى سوى سطر خيالى لايعرف ابدا اجابات لعلامات استفهامك..عودى لان لا احد غيرك يعرف تلك الاجابات..واول علامات استفهامى..لماذ؟

لماذا نحب ان كنا نعلم مسبقا ان الحب كما عرفه غيرنا شيء مؤلم؟

لماذا نختار الدرب الوعر ونحن نعرف الطريق جيدا؟

ام ترانا لا نعرفه؟

كل عام القى على مسامعى تلك الاسئله ولا اعرف لها بعد اجابات..

ولا حتى هو يعرف اجاباتها

قلت لامى مرة..هل سيبحث عنى؟قالت لى نعم

كانت تكذب

كنت طفله وكانت تكذب لارضائى فصدقتها

واليوم اعلم جيدا اننى عدت وحدى من جديد
داخل النفق الذى سجنت فيه
وحدى
لكنه ربما هو افضل حالا بدونى

هناك 25 تعليقًا:

P A S H A يقول...

مســـــاء الفـــــل

كل سنة وحضرتك طيبة وبألف خير وصحة وسعادة وإن شاء الله سنة سعيدة عليكي وعلى الأسرة بإذن الله وتحققي فيها كل أحلامك .

بوست جميل بجد .. أحييكي عليه .. رغم إنه موجع حبتين .. وكئيب تلات حبات .. بس حلو برضه ههههههه.
تفائلي في الله خير وإن شاء الله ربنا هايكرمك .

تحياتي
سلام

P A S H A يقول...

مســـــاء الفـــــل

كل سنة وحضرتك طيبة وبألف خير وصحة وسعادة وإن شاء الله سنة سعيدة عليكي
وعلى الأسرة بإذن الله وتحققي فيها كل أحلامك .

بوست جميل بجد .. أحييكي عليه .. رغم إنه موجع حبتين .. وكئيب تلات
حبات .. بس حلو برضه ههههههه.
تفائلي في الله خير وإن شاء الله ربنا هايكرمك .

تحياتي
سلام

amirelhob يقول...

يا رب بابا نويل يجى ويحقق ليكى كل احلامك و امانيكى مع انى ضد كل دا انا عايزك انتى بنفسك تقدرى تسكرى يأسك وتبدى حياتك من جديد وتبديها من بدايه سنه تتولدى من جديد ومن قلبى بتمنلك كل خير وسعاده و صحه وتوفيق وفرح وابتسامه تدوم يا رب طول العمر

الحــ ــزين يقول...

كل سنة وحضرتك طيبة
ويارب سنة سعيدة عليكى

ЯậŇ MỗŘỹ يقول...

السلام عليكم و رحمة الله و بركاته
البوست جميل قوى
أحلامنا مش محتاجه عصا سحريه أو بابا نويل لتحقيقها بإيماننا و إصرارنا على تحقيق الحلم هنحققه مهما كان صعب
أتمنى ان تتحقق أحلامك

دكـــــتور جدا يقول...

السلام عليكم

يارب عام سعيد على حضرتك

وان شاء الله ربنا يحققلك كل ماتتمنيه
سيبك من بابا نويل ده !

تحياتي

Unknown يقول...

كل
عـــــام
وانتــي

بألـــف
خيـــــر
يـــارب
:)

ان شاء الله يارب تتحقق أحلامك وتكون سنة خير وسعادة عليكي يارب

اعتذر لعدم مروري خلال الايام السابقة لسبب خارج عن ارادتي

صوت من مصر يقول...

كل سنه وانتى بخير وسلام

P A S H A يقول...

كل سنة وأنت طيبة.

noon kiko يقول...

هههههههههههههههههههه
باشا
اتريق براحتك
خد راحتك ع الاخر
زى بيتك بردو
عموما ان شاء الله من النهارده مفيش اكتئاب
سنه جديده بقا
:)

noon kiko يقول...

عمرو
مش قلنل بلاش السطر الاخير ده اللى بتمنالك مش عارف ايه وايه وايه
هههههههههههههه
قلنل عامل زى كوبى وباست
عموما انا استنيت بابا نويل امبارح وزى كل سنه ضحك عليا وسابنى نايمه
هههههههههه

noon kiko يقول...

الحزين
كل سنه وانت طيب يامحمد
:)

noon kiko يقول...

روح بلا فرح
ان شاء الله هتبقا روح بفرح وكتب كتاب كمان
ههههههههههههههه
وانا مش محتاجه عصايه والله
دانا عايزه المقشه كلها عشان احلامى اللى عايزه احققها كتير
:)

noon kiko يقول...

ضكتور جدا
والله مش قصة بابا نويل
انا بحب الحدوته بتاعته
تقول ايه بقا مدمنة حواديت
محداكمشى علاج لادمان الحواديت؟
ههههههه

noon kiko يقول...

حازم
زوما
كل سنه وانت طيب وسنه سعيده يارب عليك وعلى كل ناس غزه
ومتغيبش كده تانى :)

noon kiko يقول...

صوت من مصر
كل سنه وانت طيب وبخير
وسنه سعيده عليك يارب
:)

noon kiko يقول...

باشا
كل سنه وانت طيب ياشريف
ويارب السنه دى تكون احلى سنه عليك
:)

Unknown يقول...

السلام عليكم ورحمه الله وبركاته
كل عام وانتم بخير ...
2010عليكم بالسعاده والهنا يارب
أول زياره لي هنا تقريبا ...
اتا حاسس اني في مدونه بنت بلدي ..
يارب ما تكذب أحساسي ...

خواطر شابة يقول...

انا ليا عندك حق عرب سمعت أغنية مصدومة اللي انت حكيتي لي عنها ملحقتش اكملها جاتني حالة اكتئاب بس متخافيش مدعيتش على اللي كان السبب ماهو انت مهونتيش علي برضه ههه

noon kiko يقول...

فركشاوى
هههههههههههههه
البيت بيتك تشرفنى
بنت مصريه ف كل الحالات
وشكلك مصرى بردو

noon kiko يقول...

خواطر
دلوقتى غيرت بقيت بسمع
بسمع اسمك بدمع
والله مكتئبه
مكتئبه
مكتئبه

ولو عليا
مش هروح ازور اى مدونه عشان مجيبش للناس اكتئاب
بحاول استعيد نفسى
وادعيلى
عشان متجيش على دماغك
ههههه

wael9@aol.com Wael - وائل يقول...

كل سنة وأنت طيبة.
مدونه جميله

Mahmoud Alkelany يقول...

وربما هو يبحث عنك ايضا

Unknown يقول...

لقيتيك :))))

noon kiko يقول...

كيكووووووووووووووو ايون بعد تلات سنين من التدوينه لقيتك...اتأخرت اوى عليا بس الحمد لله انك جيت....بحبك ع فكره :)