dream

dream
am yours

الثلاثاء، 8 ديسمبر 2009

ساعات المطر


ساعات المطر وساعات
اوقات بييجى ضعيف
يادوب كام نقطه
تبل وش الرصيف
وتنقش ع الازاز خيالات
ساعات
وساعات يهز الارض
ياخدنا نحضن بعض
نفتح شبابيكنا إزاز وشيش
تقوليلى متخافشى
اقولك متخافيش
ياهل ترى هنموت م البرد
ولا ابتدينا نعيش؟



دى اغنيه لوجيه عزيز..حبيتها اوى
ووجيه عزيز فنان بدأ مشواره الفنى حوالى عام 1988
فنه متاثر بسيد درويش والرحبانيه وهو فنان متميز جدااااااااااااا
هو من اصول صعيديه ومن عائله متاثره بالفن سواء نحت او رسم او موسيقى
لم يختار الموسيقى بل حسب قوله هى التى اختارته
هذا الرجل بإختصار شديد
فنااااااااااااااااااان
لينك اغانيه
اهوه
http://www.sm3na.com/singer670.html

واثقه تمام انه هيعجبكم

خاصة اغنية المرايه دى للمكتئبين

واغنية نفس الاحساس ودى للمتفائلين

ههههههههههههه

وبلاش تيجوا المدونه دى الله يخليكو وتعالولى ف مدونتى التانيه عشان مش بحب اجى هنا كتير

بس باجى عشانكم

هناك 25 تعليقًا:

blue-wave يقول...

عجبتنى الأغنيه

غير معرف يقول...

طيب أقولك علي حاجه
سلامو عليكو الأول

لو مش عايزه حد يجيلك هنا
ليه بس عملتي المدونه من الأول ؟
وبعدين نصيحه مني كده
متقوليش لحد متجيش هناوتعالي هناك
زي ما قلتلك
مش كل الناس بتحب السياسه
بالعكس يمكن الناس بتدور علي مدونه زي مدونتك دي أو مايشبهها للهروب من الواقع شويه للتنفيس عن النفس
فـ مش كل الناس هتيجي هناك
وهتفضل هنا
فلو إنتي مش بتحبي المدونه دي إقفليها
بكل بساطه

علي فكره سمعت أغنية المرايه الكلمات حلوه جدا بس هو مش مغني أوي

أتمني مكنش ضايقتك بكلامي بس نصيحه اخويه مش أكتر

سلااام بقي

The illusionist يقول...

كرخامه منى هقول الاول

The illusionist يقول...

كرزاله منى
هقول لالالالالالالالالالالالالالالا
انا بيجيلى تعالب هنديه تعض فى رجلى لما بشوف الخاصيه بتاع العرض
بينضحك عليا ومش بطلع الاول
مااااااااااااااااااااااااااااااشى
بس اكيد عارف وجيه عزيز
ولو مش عارفه الموقع ده
اعتبريه هديه
http://www.wagihaziz.com/

The illusionist يقول...

لاحظت انك بتحبى نيكولاس كيدج
اختيار موفق
وانا كمان
بصره
بتحبى دوبى
كده انتى وهرميون تعملوا حزب
وتعملوا جمعيه المدافعين عن حقوق الجن المنزلى
على فكره
انا قارئ هارى بوتر من ساعه ما نزلت
تحفه جدا

The illusionist يقول...

لا دى مفيش منها بقى
لو جينا للحق

بس ليا تساؤل

شايف فى صور مغنين يابانيين
اوعى تكونى مجنونه زيى
وبتسمعى مغنين يابانيين
وبتتعلمى لغه يابانيه زيى
ارجوكى
انا العبيط الوحيد فى الكوكب
متزوديهومش
ههههههههههههههه
انا اتشرفت بتعليقك جدا
واحب اقولك
يو ار جود
كلامك جود
مدونك فابيولس

دى لغه الشلينكو عرب بتاعتى
جو بايز

The illusionist يقول...

تعليق سخيف معلشى
المدونه التانيه مش عارف اعلق فيها
فهعلق هنا لحد اشعار اخر
سورى بقى
انا مش غتت والله
هى الغتاته اللى ورايا ورايا

خواطر شابة يقول...

شكرا على هذا الاختيار الجميل
تسلمي دائما يارب

noon kiko يقول...

بلو وايف
الحمد لله انها طلعت بتعجب

الحــ ــزين يقول...

حلو اوى اختيار حضرتك
أغنية جميلة جدا
دومتى بكل خير

amirelhob يقول...

الاغانى جميله اوى انا علفكرا كونت سمعت الاغنيه وكونت هموت واعرف مين هو اللى بيغنى وعاجبنى اوى كلماتها وبجد ميرسى على انك نقلتى السونج الحلو دى فى بوست ومن قلبى بتمنلك كل خير وسعاده يا رب وصحه وتوفيق واتسامه تدوم طول العمر

blue-wave يقول...

اكيد بتعجب
طالما انها من اختيارك

Unknown يقول...

يسلموووووا هالايادي يااارب
وبعتذر للرد المتاخر
ولكن اكيد انا معي vip ووقت ما بدي برد صح ههههههه
للأمام :)

noon kiko يقول...

بلاك
اولا
انا مقلتش محدش ييجى هنا بس بقول ان زياراتى هنا قليله وطالما متعرفنيش كويس يبقا متكلمنيش كده
ثانيا انا مقدرش اقفل المدونه دى لانها ببساطه حته منى

ثالثا
الاغانى بتلفت نظرى بناء على كلماتها مش على صوت المطرب
وانا من وجهة نظرى ان وجيه عزيز مطرب من الدرجه الاولى لانه بينتقى الاغانى باحساسه
وميرسى اوى على تعليقك

noon kiko يقول...

the illusionist
اولا ايه الاسم اللى بيتعبنى ده
متشوفلكش اسم سريع ياعم
ههههههههههه
على فكره
انا زيك بكره جدا الاشراف على التعليقات والله بس ف الايام اللى فاتت انتشرت جدا المدونات الغريبه وبقت ناس غريبه تيجى تشتم وبس وتمشى وممكن تشوف ده ف تعليقات البوستات الاخيره
متزعلش والله
شويه كده وهشيل المودريشن خالص لانى بحب ان كل واحد يعلق براحته
وميرسى جداااااااااااااا على الموقع ربنا ما يحرمك منى بقا ومن اختياراتى
ههههههههههه
انا بموت ف سلسلة هارى بوتر كلها
بحب نيكولاس كيدج جدااااااااااااا
بموت ف المسلسلات الكورى والاغانى الكورى واليابانى
بصراحه كان فى واحد من كوريا بيحفظنى كام كلمه كده بس الحمد لله مش عارفه حاليا اوصله ده غير انى نسيت اى كلمه حافظهالى
هههههههههههههههههه
وعندى كام شعنونه تانى كده هبقا اقولك عليهم ف البوستات الجايه

noon kiko يقول...

خواطر شابه
يارب بجد يكون اختيارى بيعجبكم
والله على اد زوقى
:)

noon kiko يقول...

الحزين
ميرسى اوى يا محمد لكلامك
وبتسعدنى دايما بزيارتك دى

noon kiko يقول...

امير الحب
عمرو
انا من فتره كده قريت عند واحد من المدونين عن وجيه عزيز وكنت بسمع عنه كتير وعن كلماته الحلوه
فكرت ادور عليه على جوجل
ولقيته
مقولكش اد ايه انبهرت باغانيه
قوة كلماته ووصول الاحساس مباشرة ليا
والحانه البسيطه جدا
وافتخرت جدا انه من الصعيد زى حالاتى
ومن يومها مفيش يوم ابطل اسمعه
كل يوم بسمعه
بجد انا فرحانه انه عجبك
رغم الهوجه الشبابيه والاغانى الهابطه اللى الشباب بيحبوها
:)

noon kiko يقول...

مستر حازم
زوما
طبعا انت معاك الفيتو وتعلق وقت مابدك
انا عايزه اقول للكل ان حازم ده اخويا اللى برجعلى كل ما الاقى نفسى ف ورطه خاصة لو البلوجر ضايقنى
ههههههههههههه
ربنا ما يحرمنا من غزه وناسها يارب

noon kiko يقول...

بلو وايف
بجد مبسوطه اوى انها عجبتك ومن غير مجامله ليا
الاغنيه دى فعلا عجبتنى اوى ومبسوطه انها عجبت ناس تانيه

غير معرف يقول...
أزال المؤلف هذا التعليق.
محمد عتلم يقول...

وجيه عزيز ... فنان جاااااااااامد
محمد منير .... طبعا مختلف ورائع
نيكولاس كيدج .... مفيش منه اتنين . فعلا عبقرى

غير معرف يقول...

وجيه عزيز .. بحس انه فنان حقيقي :)

غير معرف يقول...

ههههههه
بجد مش عارف شو احكي عالموضوع
لكن بتمها شي شخصي
تحياتي لالك

غير معرف يقول...

انا تعليقي كان عموضوع الحذاء اكرمكم الله