dream

dream
am yours

الأحد، 14 أكتوبر 2012

شخبطه على الحيط

ازيك...طيب اقولك وحشتنى؟؟طيب وحشتنى..اقولك بحبك..هتحسها؟طيب بحبك.....معرفش ليه اتغيرت..عارفه ان الشغل واخدك وانا الشغل والحياه واخدانى...بس يا حبيبى تفاصيل كتير بتقع مننا....بقيت محتاجه اقعد اتكلم معاك...احس انك حسيت بغيابى ...بس تقريبا الوقت بيننا بقى معاندنا.....انت بتسهر وانا بنام بدرى ..حتى لما بسهر انت بترجع متأخر ومبقاش يهمك ان كنت بستناك او لا.......معرفش ليه قررت اكتبلك هنا....يمكن لانى نفسى تفتكر المدوونه دى وتيجى تقرا الكلام ده من غير ما اضطر اقولك اقراها...نفسى تفتكر تفاصيلى من غير ما احتاج اقولك...ويمكن بكتبلك هنا لان هنا محدش يعرفك ولا يعرفنى فهكتب هنا براحتى...وهصرخ وهقول موجوعه....مفتقداك..مفتقده كيكو اللى انا حبيته مش اللى بقيت بخاف اكتبله اللى ف بالى او اخاف اشاركه افكارى لانه خلقه ضيق ولانه مش بيفهمنى صح...وحشنى كيكو اللى كان بيخاف عليا وبيغير عليا وبوحشه وبيتصل وبيسأل عنى مش ده اللى بحس معاه انى زى واحد صاحبه وبس.....وحشنى كيكو اللى ممكن افكر معاه بصوت عالى من غير ما اقلق ولا اخاف من رد فعله ...كيكو اللى كان مش ده اللى بقى انت...مش ده اللى لو قرا الكلام ده هييجى يتخانق معايا ويقوللى اللى انتى كاتباه ده ويطلعنى ظالماه رغم ان كل اللى بعمله انى بفضفض عشن الفت نظره بطريقتى اللى معرفش غيرها....وحشنى وبدأت اتوه منه وهو مش واخد باله وبقيت خايفه اقوله انى بتوه يثور ويزعق ويقوللى هترجعينا لنفس النقطه اللى بنوصل عندها كل مره....انا مخنوقه اوى وعايزه اعيط وبقيت حتى بخاف اعيطله لان كيكو اللى بقى دلوقتى بقى مش مبيحب نون تعيط مش خوف عليها بس لانه بيشوف البكا ضعف...انا عايزه اعيط...وبكتب وانا بعيط.....مخنوقه ومفتقده صاحبى اللى كان معايا بيرغى واللى كنت بكلمه وانا بشترى اى حاجه واللى كان بيكلمنى وهو مسافر كل يوم...صاحبى اللى كان بيسيبلى رسايل على النت بحب افتحها واجرى عليها ...صاحبى اللى كان بيجيبلى شكولاته عند باب الشغل....اللى كان بيعرف انا بفكر ازاى وف ايه وامتا......راح فين ده؟؟؟مش عارفه....بنتحول تدريجيا لزوج عادى من الاشخاص المرتبطين اللى بتاخدهم زحمة الحياه والروتين.........صدقنى عندى كلام كتيررررررررررررر ومبقتش عايزه اقوله لانه مبقاش عارف يطلع منى....لما تشوف كيكو قوله انه وحشنى اوى وانى بحبه وعايزاه يرجع زى ماكان....لو ف يوم قريت كلامى ده متزعلش منى...انا كتبته لانى مش عارفه اقولهولك

هناك 3 تعليقات:

غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
شركة تسويق الكترونى يقول...

شركة تنظيف منازل بمكة

حيث أن المنزل هو مصدر الراحة الاول للشخص لابد إذا من تنظيفه للشعور بالراحة به فالمنزل او البيت غير النظيف يبعث على الازعاج وعدم الإحساس بالراحة والهدوء، شركة تنظيف بمكة
يمكنها تنظيف جميع المنازل سواء كانت صغيرة مثل الشقق أو كبيرة مثل الفلل والقصور وجميعها يجد منا كل الاهتمام والعناية .
بعض النصائح التي تفيد في الحفاظ على المنزل نظيفا :
• احرص دائما على التهوية الجيدة لجميع غرف المنزل وذلك بفتح النوافذ يوميا كل صباح لدخول الهواء النقي ودخول أشعة الشمس أكبر مزيل ومبيد للجراثيم والميكروبات.
• لابد من التخلص من القمامة يوميا وعدم ركنها لفترات طويلة حتى لا ينبعث منها الروائح الكريهة.
• عند سقوط الأطعمة والمشروبات على السجاد والمجالس والكنب لابد من تنظيفها على الفور حتى لا ينتج عنها بقع يصعب إزالتها فيما بعد.

أفضل شركة تنظيف منازل بمكة

شركة سيرفس تاون للخدمات العامة