dream

dream
am yours

الأربعاء، 6 يناير 2010

جاذبيه


دوما هناك مايجذب الفتيات الى الرجال من اول نظره
وتراى واحده تتبع بعيناها احدهم تحاول بلورة شخصيته..
يجذبنى النظر الى شاب ما احيانا شىء واحد..طالما لم يتطرق بنا الامر الى الحديث فانا لا اقيمه بناء على حديثه او على مقدار رقيه اللغوى..او مقدارثقافته..بينما من استطاعوا لفت انظارى كان محط انظارى هو شىء غريب..حذائهم
نعم
اول ماتقع عليه عيناى هو الحذاء
ربما لاننى انظر الى الارض كثيرا ليس خجلا وحياء بقدر ماهو تأمل..تعرف امى جيدا حبى الشديد للنمل..تلك الحشرات المتوحشه الصغيره التى تطاردها امى فى ارجاء الشقه هى من اقرب الاشياء لقلبى..وكثيرا ما اقف اثناء سير بالطريق لاتأمل احدى النملات الكبيرات تمر اسفل قدمى واكاد ادهسها بحذائى..
ولذلك السبب فأن اول ما يقع عليه نظرى اثناء سيرى هو الحذاء
الشاب الروش يرتدى عادة سليبر..هو شىء يشبه الصندل وقد يرتدى كوتشى يالوان جذابه..
الشاب الكاجوال قد يرتدى حذاء خفيفا الوانه بنى محروق والكمونى..
الشاب الرصين
حذائه كلاسيك..يميل للالوان السوداء والبنى
الشاب العاطل
شبشب بصباع او شبشب جلد
سائقى المكروباص
احذيه بوت مثل احذية الجيش فى الشتاء
وبلا احذيه اثناء القياده ف الصيف

طبعا البوست ده جنانا ف جنان
بس ده فعلا اللى بيلفت نظرى
بحب جدا الجزم الرجالى..بحب اتفرج عليها ف الفاترينه
بحب الجزم الكاجوال بألوانها الغريبه اللى مفيش منها بناتى
طبعا مزاج مطين زى ما ماما بتقول
هههههههههههههه
عارفه
بس ملحوظه
انا مش بحكم بناء على المظهر زى ما البعض فهم
كل الحكايه انى لما بمشى ف الشارع مش بنتبه لوسامة الشاب ولا أى شاب اصلا بس بيلفت نظرى الجزمه
بس لو وصلنا لمرحلة تقييم حقيقى للشخص اللى امامى
طبعا هقيم بناء على اخلاقه اولا ثم ثقافته ولغته ورقيه الفكرى وده اللى كتبته ف اول البوست ومحدش خد باله منه
:):)

هناك 42 تعليقًا:

Unknown يقول...

طيب ...
حذاء الصحفي الليّ ضرب بوش
من اي نوع ؟
و كيف تقيمينه من نوع حذاءه؟

dr/shiko يقول...

والله فكرة ... البنت تحب الولد من جزمته والولد يحب البنت من جزمتها واهو بالمرة فيه توفير للنفقات .. يعني ممكن البس هدوم مقطعة وشعري منكوش والبس جزمة او كوتش نضيف واعجب ..ههههههههههه

لــــ زهــــــراء ــــولا يقول...

ايه الجمال ده كله
انتى عارفه انىبرضه من اول الحاجات اللى تلفت نظرى فى الرجل هو حذائه اضيفى الى ذلك ماركة الساعه اللى فى ايده وكمان نوع البرفيوم " البرفان "
انتى عارفه انى مره رفضت عريس لان حذائه شكله غبى جدا جدا
اسمع ضحكات بس ده اللى حصل وبقيت مشهوره بين كل اصحابى بالحكايه دى


راحة الجسم تبدا من القدمين

تحياتى لذوقك العالى

زهراء

خواطر شابة يقول...

تعرفي حتى انا اول ما يلفت انتباهي في الرجل حذائه ولو سألت المقربين مني هذا السؤال عني سيجيبونك الحذاء
يا بنتي كل يوم بأكتشف ان دماغنا واحدة وده بيسعدني
تحياتي

من اجل عينيك يقول...

يامجنونة

بقى سايبين الشقة كلها وقاعدين ف اوضة


اوو سوري قصدي سايبة الشاب الحليوة بحاله وباصه ع الجزمة

شيرين يقول...

والله فكرتيني بفيلم فؤاد المهندس وشويكا قلبي يا غاوي سبع قارات ههههههههه
بس البوست حلو برده

Tears يقول...

صعبه حكاية الجزمة و بصراحة مش بتلفت نظرى الا لو كانت مش نظيفة او وحشة جدا...عموما و بالرغم انى مش ببص فى الارض زيك بس مش بيلفت نظرى الرجل غير لما يتكلم و ساعتها يا يبقى فى عنيا جميل يا يبقى فى نظرى تخلف يسير على قدمين

noon kiko يقول...

فركشاوى
الاول انت اسمك فركشاوى ناوى
طيب ناوى على ايه
ههههههههههه
حذاء الصحفى اللى ضرب بوش طبعا حذاء بميت مليون حذاء
ده حقه يتحط ف متحف
طبعا هو شخص واعى وعقلانى ورصين ورزين ومفكر
وعبقرى
:)

noon kiko يقول...

د.شيكو
مش انا بردو عندى حق
هههههههههه
طبعا الجزمه هى الاهم
بلا شقه وبلا شبكه بلا بتاع
المهم الجزمه
يعنى انا بعمل لصالح الشباب
هههههههههه

noon kiko يقول...

زهراء
ههههههههههههه
حلو اوى راحة الجسم تبدأ من القدمين
كده احنا ممكن نعمل مظاهره نطالب فيها الرجال بالاهتمام بالجزمه والبرفيوم
بمناسبة البرفيوم
انا دايما بربط بين ذكريات معينه وبين اصحاب الذكريات دى عندى بالبرفيوم
ولو بالصدفه شميت البرفيوم ده ف الشارع تلاقى صاحب البرفيوم المشابه ف ذاكرتى قام مذعور كده وقعد يخبط على دماغى
هههههههههه

noon kiko يقول...

خواطر
يابنتى انا مش كل يوم بكتشف ان دماغنا واحده
انا ف كل كلمه بتكتبيها بكتشف ان دماغنا واحده
بجد بفرح اوى لما بروح عندك وبفرح اكتر لما بتزورينى
ربنا يخليكى ليا يارب
:)

noon kiko يقول...

من اجل عينيك
شبيهة رولا خرسا اللى انا بدور على مدونتك ليا شهور ومش عارفه اوصلها
طبعا انا مجنونه
هههههههههه
مش جديده يعنى
بس بجد انا بيشدنى الراجل من جزمته
تحسى كده ان التفاصيل اللى مش بتهم حد بتهمنى انا اوى
:)

noon kiko يقول...

الشموع السوداء
الله على اسمك
انا بموتتتتتتتتتتتتتت ف فيلم الشموع السوداء
ياخرابى على ده فيلم
وبردو بحب فيلم فؤاد المهندس وشويكار اللى كان بيحب الست من جزمتها
ههههههههههههه
بجد ضحكتينى
وفكرتينى بالفيلم ده
ههههههههه

noon kiko يقول...

tears
انا فعلا بيشدنى الراجل من كلامه طبعا وثقافته بس انا زى ماكتبت اللى بيشدنى ف الراجل قبل ما يكون بيننا كلام هى جزمته
بحس انى اقدر اكتشف شخصيته منها
بس على فكره
حتة ان فى راجل يشدك بكلامه دى خلاص تقريبا انقرضت
متتكليش عليها اوى
ههههههههههههه

همسات ساكنه يقول...

أوقات فيه تفاصيل مش باخد بالي منها
يعني مش بدقق فيا أوي .. يعني الشوز مش بهتم اني ابصلها خالص :D

اللي يهمني المظهر العام كويس ولا مفركش :D

طبعا ده لو حنتكلم من ناحية المظهر
لانه بلا شك الحكم على الأشخاص يجب و أن يكون عن طريق :
- الشخصية : قويه .. ضعيفه .. بيقدر يحكم عقله ولا قلبه اكتر .. وهكذا !!!
- العقل : ازاي عقله بيفكر .. وازاي طريقة كلامه بهمجية ولا بحكمة

يعني فيه حاجات كتير للحكم
ولكن فعلا فيه بنات كتير بتدور ع المظهر الأول :D

الحــ ــزين يقول...

الحذاء
ياترى بقى هاتحبيه بطول بوز الشوز...............ههههه
هو فعلا الشوز الرجالى جميل بس مكنتش أعرف انو ممكن واحدة تحب واحد علشانه الشوز كويس

المهم ابقى طمنينا عليكى

دومتى بكل خير

واسف للتاخير

noon kiko يقول...

همسات ساكنه
انا مقصدتش الحكم من المظهر
بس بما انى محدش فاهم وجهة نظرى فخلاص مش مهم
بس بردو بحب الجزم الكاجوال الرجالى
ههههههههههه

noon kiko يقول...

الحزين
مين يامحمد جاب سيرة الحب هنا؟
انا لاقلت بحب عشان الجزمه ولا جبت سيرة الحب اطلاقا
انا بقول بيلفت نظرى
مش اكتر
لكن لو هحكم فانا هحكم بالشخصيه مش بالجزم
ولو رسيت انى اجكم عليه من جزمته
قياريت تكون جزمه كاجوال فيرانى او زيتى برباط
ههههههههههههههه

safa7_karmooz يقول...

طب انا مبلمعش الكوتشى 24 ساعه ...ياترى ابقى ايه ..

ههههههههههههههههههههه

اكتر حاجه تشلنى اكون ملمع الجزمة او الكوتشى وحد ابن تييييييييييت يدوس عليه...والعبد لله بيموت فى الغوامق فى ما يلبس ^_^ ...

بس يا ترى اصحاب الكونفيرس يعملوا ايه بقى...او نصنفها تحت انهى جماعه معاليكى؟؟

نايس بوست :D

همس الاحباب يقول...

هههههههههه
هههههههههه
مش ممكن البوست يجنن ويفطس من الضحك بجد
بس والله عندك حق فعلا انا لاحظت كده فعلا
وفعلا راحت الجسم تبدا من القدمين
ههههههههه
بس الحمد لله طلع تصنيفى من الشباب الرصين
مع انى بحب امشى حافى فى البيت
تسلم الايادى
وشكرا على سؤالك
مع انى زعلان منك جدا
لانى كنت فى سوهاج يوم السبت وما فيش ولا ورد ولا رمل فى الطريق
تحياتى

morgana يقول...

كنت معديه بالصدفه ولفت نظري البوست
وانا كنت باتكلم في الموضوع ده قبلها
معاكي في الرأي
فعلا جزمة الراجل والساعة بيلفتو النظر اوي:D

noon kiko يقول...

safa7_karmooz
هههههههههههههههه
هو الكوتشى بيتلمع؟
ههههههههههههه
والله انا زيك مش بلمع ولا جزمه عشان المكروباصات بتضيع الجزمه اصلا
ومسافة ما اوصل مشوارى بلاقى الجزمه اتحولت بقدرة قادر من سودا لرمادى
ههههههههههه
اريحلم تمشى حافى
ههههههههههههههههههههه

noon kiko يقول...

همس الاحباب
ياعم انت مش قلت انك جاى سوهاج على شهر فبراير
بتضحك عليا يعنى
ثم انا ايش عرفنى انك جيت
مانا لو اعرف كنت قلت لبتوع البلديه يرشوا الارض ويفرشوها رمل
يالا ملحوقه
المره الجايه
اكون انا بقيت رئيسة بلديه
:)

noon kiko يقول...

مرجانه
بالنسبه للساعات انا مش بتلفت نظرى الساعات الرجالى بس بموت ف الشبابى
اللى هى باستيك عريض جلد وشكلها مدندش كده
ههههههههههههه

حياه بلا عنوان يقول...

السلام عليكم ورحمه الله وبركاته
طبعا الموضوع جميل جدا
اكيد طبعا كل واحد ليه طباع خاص بالنسبه للشخصيه اللى قدمه وبالتالى بيكون فكره عنه سوء بالجذاء او اسلوب الكلام وفى حاجات كتير كمان
طبعا انا اول مره ليا فى المدونه
وياريت تقبلى مرورى
تحياتى

noon kiko يقول...

حياه بلا عنوان
انا اتشرفت والله انا ومدونتى البسيطه اوى اوى دى بالمرور الحلو ده
بس بشرط
يتكرر
متبقاش اخر مره
:)

Unknown يقول...

بدايةً كيفك وكيف امورك ان شاء الله تمام
اشتقتلكم كتير بعد هذا الانقطاع الغير قصير , اتمنى ان لا تكونوا قد نسيتموني وان اكون صديقاً عزيزاً لديكم تفتقدموه وقت غيابة
صراحة تحمر وجنتي خجلاً بهذا الانقطاع عن مدوناتكم وحروفكم التي كنت اموت شوقاً لرؤيتها , ولكن للأسف الشديد ابى مرضي الا ان يبعدني عنكم طوال هذه الفترة

عدت عليكم من جديد , احمل اليكم مجموعه من الافكار والمقترحات
فأنتظركم ليطيب بكم اللقاء

مع اطيب امنياتي
اخوكم
حازم

TKOsir يقول...

ههههههههههه
بوووست جميييل اويييييي
بس اكتر حاجة
الشاب العاطل وسائق الميكروباص
هههههههه
وفعلا اوحش حاجة هي ان الناس اللي بتدووس على الرجل دي
وانا ابصله كدا
يبتسملي ابتسامة تضايقني اكتر


ياريت تقبلي مروري المتواضع
:)

احمد يقول...

هناك زاوية اخري للموضوع فالشخص ان كان يهتم في شراء حذاءه فانة Cool
^^

z!zOoOo يقول...

السلام عليكم

يارب تكوني بخير

مدام جزمتك تدل علي انوثه طاغيه

( فؤاد المهندس وعبد المنعم مدبولي )

لما كانوا بيبصوا علي الستات من جزمهم

بس بجد ملحوظه غريبه

بس فيه ناس كده

وفيه ناس فعلا تقول نضافه الواحد تبان من جزمته ولمعانها

تصدقي انا بعشق حاجه اسمها نمل ونحل

بفضل كتير ابص عليهم وأتأملهم

وبتعلم منهم كتير

وحلوه التشكيله ديه باين إنك بتركزي

D:

زيارتك اسعدتني

وأتمني تنوريني علطول

كل سنه وانتي طيبه

تحياتي

noon kiko يقول...

حازم
الف الف الف سلامه عليك
انا حاولت اكلمك الايام اللى فاتت بس الاميل عندى معلق خالص
ومش بيبعت ولا بيستقبل
المهم تكون بخير وبصحه كويسه دلوقتى
وطمنى على باقى الناس ف غزه وفلسطين
عايزه اعرف الاخبار كلها

noon kiko يقول...

tkosir
شرفتنى جدا بالزياره
ووالله انا بس عندى ازمة جزم
بتنرفز لما البس جزمه وعربيه صاحبها احول يعدى بسرعة 90 ك ف الساعه والدنيا غرقانه ميه وابص الاقى الجزم بدل ماهى حمرا بقت سودا
ههههههههههههه
بس الحمد لله ربك بيسترها الايام دى معايا

noon kiko يقول...

احمد
بص انا مش ببصلها من الزاويه دى
يمكن لانى مدرسة رسم
بيجذبنى الوان الجزم الرجالى يعنى بتكون الوانها غير تقليديه
وبحس ان اختيار الرجل للون غير تقليدى بيدل على تفكير غير تقليدى
واختياره للون بحد ذاته بيعرفنى نوع شخصيته
يعنى لو سودا بيكون رزين وممكن رصين لابعد حدود
لكن لما بتكون زيتى بحسه رزمانسى او متأمل ولو فيرانى بيبقا انسان خيالى
كده يعنى
حسب الالوان وعدم تقليدية الجزمه
وده اكيد نظرا لحبى للالوان والرسم
بس
هى دى وجهة نظرى

noon kiko يقول...

زيزو
طيب الحمد لله انى مش اوحدى اللى بتحب النمل
اما بالنسبه للتفاصيل اللى بركز عليها فنا بستخدم ده كاسلوب خاص بيا ف كتابة القصص لانى بركز على التفاصيل واحاول ادخل القارىء جوه القصه بأدق التفاصيل اللى تشده ليها
:)

خواطر شابة يقول...

خير? فينك? يارب تكوني بخير

عطش الصبار يقول...

ازيك يانوروحشانى
اكا ايضا تلفت نظرى الاحذيه حريمى ورجالى
ومنها بشوف مدى دقه صاحبها ونظافته
هوايه غريبه

غير معرف يقول...

الإخوان هم أكثر الناس سعادة بما يحدث في الشارع ليكون زريعة لضم الفتيات إلى كتيبة الحجاب و النقاب السياسي الذين يعملون جاهدا على نشره في مصر، لن أكون مبالغا أو متجنيا إذا قلت أنهم قد يكونوا يقومون بدور بارز في قيادة عمليات التحرش، و قبل أن يعارضني أحد فقط أوجه له سؤال بسيط:

لماذا لم نرى إستجواب واحد في مجلس الشعب من كتلة الإخوان المحظوظة (المحظورة سابقا) عن عمليات التحرش و وجدناهم يملئون الدنيا صراخا و عويلا عندما قال وزير الثقافة رأي في الحجاب؟

الحجاب أو النقاب لم و لن يكون حل لمشكلة التحرش، الذي يظن بأن هذه المشكلة تنحصر في زي المرأة و يصب المشكلة في المرأة إما إنه لا يعي السبب الحقيقي للمشكلة، و إما أنه من فريق وأد المرأة الذي يسعى إلى حجبها بسبب سعاره الجنسي، و إما تكون ثقافته ضحلة و ليس لديه القدرة على التحليل و بالتالي يأخذ بظواهر الأمور.

3. ما يقال عليه الصحوة الإسلامية:

هذه الصحوة الإسلامية المزعومة أحد أهم الأسباب في زيادة ظاهرة التحرش، هذه الصحوة التي تركت العلم و الإيمان و ركزت فقط على المرأة بصفتها مصدر كل الموبيقات، و بالتالي كرست هذه الصحوة في نفوس المتحرشين أن المرأة مباحة و يجب وأدها مثلما كانوا يفعلون في الجاهلية، و بما أنهم لا يستطيعون اليوم دفنها في رمال صحاريهم البدوية، فوجدوا الضالة في دفنها في البيت و إذا خرجت منه يجب أن تكون مدفونة في شوال أسود من الرأس للقدمين و إلا تكون سافرة و متبرجة و يستباح جسدها و شرفها و مشاعرها.



المشكلة إن الأفكار الوهابية تحمل رؤية معادية للحضارة بمعنى الكلمة، ففى ظلها يكون الفن حراما والموسيقى والغناء حراما والسينما والمسرح حراما والأدب كذلك.. الفكر الوهابى يفرض على المرأة العزلة خلف النقاب أو البرقع التركى، الذى تحررت منه المرأة المصرية منذ مائة عام.. وهو يعلن بوضوح أن الديمقراطية حرام لأنها تعنى حكم الشعب، بينما الوهابيون يريدون تطبيق حكم الله (وفقا لإرادتهم بالطبع)..

الأخطر فى الفكر السلفى الوهابى أنه ينسف فكرة المواطنة من أساسها.. فالأقباط فى نظرهم ليسوا مواطنين وإنما أهل ذمة، أقلية مهزومة مستسلمة فى بلاد فتحها المسلمون. كما أنهم كفار مشركون قريبون من كراهية الإسلام والتآمر عليه، لا يجوز الاحتفال بأعيادهم ولا مساعدتهم فى بناء الكنائس لأنها ليست دور عبادة وإنما أماكن للشرك بالله. ولا يجوز للنصارى فى نظر الوهابيين أن يتولوا الحكم أو قيادة الجيوش مما يعنى انعدام الثقة فى ولائهم للوطن.. وكل من يتابع صورة الأقباط فى عشرات القنوات الفضائية ومواقع الإنترنت السلفية لابد أن يحس بحزن. فهذه المنابر التى يتابعها ملايين المصريين يوميا تعلن بوضوح كراهيتها للأقباط واحتقارها لهم وكثيرا ما تدعو إلى مقاطعتهم وعدم التعامل معهم
من سمح لجماعة الإخوان بالتوغل و الانتشار بهذا الحجم؟

من حجب الظهور الإعلامي للشخصيات المستنيرة؟

من تجاهل التعددية الدينية في مصر و قصر البرامج الدينية في التلفزيون الرسمي على الوهابية التي أطلقوا عليها إسلام؟

من ترك "مدعى الدين" يروجوا لأفكارهم في الميكروباصات و على الأرصفة؟

من دعم تحول الأزهر إلى الوهابية؟ من جلب و دعم كل هذا و سعى إلى ترسيخه؟

noon kiko يقول...

خواطر شابه
اهو انا جيت
امى الحبيبه عطش الصبار
وحشششاااااااااااااانى جدا
يارب تكونى بخير ومبسوطه
ومتغيبيش عنى كتير تانى
:)
TEARS
كنت هحذف تعليقك ده زى ماحذفت تعليقك الاخير لانه سىء جدا
وبيسىء ليكى مش ليا
الله موجود
ف كل الاحوال موجود
ف كل الاديان موجود
عايزه تقتنعى بوجوده انتى حره
مش عايزه
بردو دى حريتك انتى
بالنسبه لقصة الاخوان والوهابيه والبرجوازيه والفول والطعميه
الحاجات دى امرها لله
وانا اعرف اقباط كتير جدا على قدر وافر من الاحترام والادب وبتعلم منهم كمان وتقدر تقوللى انهم اساتذتى
مش بنفكر ف الديانه
بنفكر ف هدف التعامل
وكلنا اخوات سيدتى

just waiting يقول...

هههههههههههههه
بس تعرفي انا كمان والله العيظيم بمشي باصة في الارض وبجد بحب شكل الجزم سواء بنات او ولاد كمان انا بموت في النمل الكائن الجميل دا مش بحب اموته ولا اخلي مامه ترشه
وكان مرة عندنا نمل في البيت بلعب معاه اقعد احطله حاجات ولما يجي ياخدها اشيلها بس بسيبها في الاخر ليه الحمد لله ماطلعتش لوحدي كدا

ENG./ELSAYED,PMP يقول...

فكرتينى بمقولة لأنيس منصور

أحياناً يعجب الرجل بأنف المرأة ... فيتزوجها كلها

كلها طبعاً عائدة على المرأة مش على مناخيرها

تايلاند يقول...

كلام رائع وجميل

غير معرف يقول...

السلام عليكم اولا يا جماعة انا مش حعلق على موضوعكم دة انا داخل بغرض تانى انا بموت فى الاحزية الحريمى لو فى بنوتة موجودة عايزة نجعنى على ممارسة العمل دة ممكن ترن على رقمى وانا حشرحلها حب الاقدام والاحزية مولع عندى قد ايه 0177274234 مستنكى بس للبنات فقط