dream

dream
am yours

السبت، 2 يناير 2010

بسمع اسمك بدمع


محدش يسألنى مالى

انا بس زهقت من حالة الترقب

زهقت من القلق

زهقت من كل حاجه بحبها وبتضيع

زهقت منى

اه زهقت منى..زهقت من حالة الهدوء اللى بتدارى البراكين اللى بتثور جوايا..حالة التمثيل بالامبالاه اللى بتقمصها..

بحاول انى اظهر جامده..مش هيهمنى لو حاجه تضيع منى..بحاول اوهم كل اللى حواليا انى دايما سعيده..دايما مرتاحه ومعنديش قلق على حاجه..حتى لو كلى قلق..بعرف ادارى مشاعرى اوى..بس مش بلاقى حد اشكيله همى ده..حتى سطورى زهقت منى..حتى دموعى ملت منى..نفسها تنزل..بجد نفسى ابقا انا..ابقا زى راقصى الباليه اقف بشموخ على اطراف صوابعى وادور ادور ادور لحد ما كل الحاجات اللى جوايا تدوب

عايزه ادوب فيا وانسااااااااااااااااانى





افتكرت فضلت اضحك والدموع

نزلت اوى..وجريت اوى..وحشتنى ايامك اوى

متقوللى هو مفيش طريقه انساك اوى

ومقولشى آه



حبيبى قول كده

ضاعت كل الامانى وانا مش هستنى تانى

واطفيلى النار كفايه

نار الفرقه بتوجع

حبيبى قول كده

علشان مش هقدر اسمع..كلمة امتا هترجع..ومفيش دموع ف عينى

بسمع اسمك بدمع



كل وقت انا اروح وادور..ف اللى كان

واستفدت انا ايه بصوره من زمان؟

مانا شفتها

ليه سبتها

ياريتنى شلتك منها

او كنت حتى كنت مشفش فيها

احلى ايام عشتها

ومقولشى آه


حبيبى قول كده

ضاعت كل الامانى

وانا مش هستنى تانى

واطفيلى النار كفايه

نار الفرقه بتوجع

حبيبى قول كده

علشان مش هقدر اسمع ..كلمة امتا هترجع..ومفيش دموع ف عينى

بسمع اسمك بدمع


إليسا

هناك 14 تعليقًا:

blue-wave يقول...
أزال المؤلف هذا التعليق.
blue-wave يقول...

عارفه؟
انا اول مرة احتار فى شخصيه كدا
مش قادر اعرفك
حاسك شخصيه لذيذة وجميله ومرحه ومنطلقه
وفى نفس الوقت جواكى كل حزن الدنيا
طبعا التعليق دا مش للنشر بس عايز اعرف انتى مين فيهم؟
ولا الإتنين فى بعض؟؟

amirelhob يقول...

نفس الحاله اللى بعيشها بس الفرق ان انا معنديش صوره تفكرنى بس بالماضى انا عندى ماضى بيفكرنى بالصور جوايا وجه والف اه ولو هبكى على اللى فات هبكى عمر تانى قد اللى فات على اللى جوايا يا ريت متفتحيش تانى فى القلوب وفى الجرح هتتعبى وتتعبى ناس كير وياكى

بتمنى انك تنسى جرحك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

خواطر شابة يقول...

يادي البوم اليسا اللي حيكأبك ابعدي عنه يا بنتي ده انا سمعت كلامك وسمعت اغنية مصدومة من نفس الالبوم مقدرتش اكملها حسيت اني لو كملتها حيتغير المود بتاعي 180 درجة وحأكتئب أكيد
تحياتي لك

خواطر شابة يقول...

غيري اسمعي حاجة فرايحي وارمي اي هم ورا ظهرك والله العظيم مفيش حاجة تستاهل اننا نضيع عمرنا في حزن وكأبة عشانها
ابقي طمنيني عليك

Tamer Nabil Moussa يقول...

الحياة لاتظل على وتيرة واحدة يعنى بلاش نخلى نفسنا للحزن وبس اكيد فى افراح وايام جميلة الحياة مش كلها اسود لا زى مافى اسود فى ابيض

مع خالص تحياتى

noon kiko يقول...

ههههههههههههههههه
دكتور عمر
متسألش
لانى انا كتير اوى
انا كل حاجه عكس بعض
يعنى انا محدش ابداااااااااااااااا يقدر يفهمنى
لانى بقدر أتأقلم مع كل حد حواليا عشان اساير الواقع..ممكن اكون اى حد عشان اى حد ومكونتش يوم حد عشانى

noon kiko يقول...

عمرو
انا ذنبى ايه بقا ان وجعى بيبقا شبه وجعكم
هههههههههه
انتو اللى بتغيروا منى وتقلدونى
ههههههههههههههه
بص بقا
انا مش بحاول انكش ف الحزن والله
بس هى بتيجى كده
نصيبكم بقا تستحملونى

noon kiko يقول...

خواطر
هههههههههههههه
بصى امبارح حاولت اسمع 6 الصبح بتاعة الجاسمى
قلت اهى حاجه فرايحى كده وبلاها اليسا اللى جابتنى ورا
بس عارفه
معجبنيش
قلت مين ده اللى هيقعد يستنانى ان شالله لحد 6 الصبح
هههههههههههه
فاكتأبت لما لقيت محدش هيستنانى
ههههههههههه
اقولك
هروح اسمع العنب العنب العنب
على فكره
انا كل البوم ينزل لاليسا تحصل حاجه تصدمنى ف حد اوى وخاصة تصدمنى ف اخويا والله
زى مايكون قدرى مع اليسا تقلب عليا الحزن
وتفكرنى بجد انى يتيمه

noon kiko يقول...

تامر
ولا تزعل يا ضنايا
هجيب كام علبة الوان من اللى عندى ف الدولاب
مش انا مدرسة رسم
واديها شخبطه
بلا هم على رايك
هههههههههههههههههه

Unknown يقول...

(يعنى انا محدش ابداااااااااااااااا يقدر يفهمنى
لانى بقدر أتأقلم مع كل حد حواليا عشان اساير الواقع..ممكن اكون اى حد عشان اى حد ومكونتش يوم حد عشانى)
علشان ما ننساش...ده كلامك عن نفسك
ما حدش يقدر يفهمك قصور منك لانك مش قادره تطلعي الفكره من جواكي...
تقدري تتأقلمي دي طبيعه المرأه كي تعيش لانها بتركن قوتها علي جنب و تستخدم ضعفها في الدفاع عن نفسها..
اما مسايره الواقع فدا علشان مافيش هدف واضح..
تكوني حد علشان اي حد...تفاني في انكار الذات عكس الأنانيه و الناس كلها عايشه بالأنانيه .
تحياتي ...أبعدي عن المزيكا علشان حياتك تتظبط..
كل سنه وبنت بلدي بخير...
بنت سوهاج ...بلدالرجاله. 

يوميات شاب منوفى يقول...

انتى زى بالظبط جويا حزن معدش يعرفه غيرى كل الى حوليا شيفنى بضحك على طول ومبتسم ومتفائل للحياه بس جويا حزن كبير محدش حاسس بية ولا انا ببينه لحد نفسى الاقى حد احكيلى على جويا بس مبحبش اظهر قدام حد انى ضعيف

noon kiko يقول...

فركشاوى
ههههههههههههههه
يادى سوهاج اللى ورايا ورايا
خلاص يابن العم
هحاول ابطل مزيكا
واقضيها كتب
القرايه احسن بردو

noon kiko يقول...

يوميات شاب منوفى
الظاهر طلع العيب فينا زى ماقال فركشاوى
لازم نبقا انانيين عشان نعيش
سبحان الله
الزمن ده اعجب زمن