شخابيط

يعنى ايه كلمة وطن..اغنيه غناها فؤاد زمان..انا بقولها يعنى حبيب ترتاحله..وحلم تحلم تحققه جمبه..ودنيا تتمنى تمر ايامها وانت معاه
..
ممكن افضفض بكام كلمه..مش شعر ومش خواطر ومش قصه ومش اى حاجه خاااااااااالص


وطن
يعنى حلم يعيش هناك
وحب ميعرفش امتلاك
ولااى شىءبيجيب هلاك
وبعدين معاك؟
ياقلبى قلنا بلاش خيال
فيه اللى قال الحب ليك بقا شىء محال

بقا سمكه عايمه فوق رمال
وانت عنيد
مخلوق حديد
ابتسم واعمل رتوش
اسكتش فاضى ياقلبى انت
فى اللون مالوش
لأ..انت قلبى مهما كان
وانا أدرى بيك
انت ياقلبى مخلوق عشان
انا احيا فيك
لو كانوا يوم خيرونى بينك انت وبين وطنهم
طبعا انت ملوك جروح ولفين تروح؟

بس عارف
كنت برضو اختارك انت
بجروحك انت
وباللى بيك
ولو قالولى ده قلب مات !
مش هروح واخد عزاك
همشى واقول للناس حرام
الحلم يدبل فوق سطورى بغير كلام
حرام يا ناس
يبكى الالم جوايا ويموتنى
والناس تهادن فيا وتسكتنى
ميعرفوش
الضحكه دى مش سعاده
قول حلاوة روح
قوة اراده
قلبى
بيدارى حزنه من الوشوش
ياما اتوجع ياما اتخدع
ولا أن يوم ولا قال بلاش
واهو النهارده راح بلاش
مات ولا عاش
مايهمكوش

زهرةمنسيه

اخذت تخط فوق دفترها خطوط لاتعرف ماهيتها..هى حروف اسمه مختلطة بمشاعر لم تختبرهامن قبل..تطلعت الى الحائط العريض الذى نامت السبورة السوداء فى قلبه..لم تنصت الى صوت المدرس وهو يسرد عليهم تاريخ لا علاقة لها به..رمقته بنظرة جانبيه..كان يراقبها بدوره ابتسمت فى خجل وسحبت عيناها لتلقيها فى ظلام السبوره..
على جانب المقعد الخشبى الذى انكفأفوقه دفترها سكنت زهرة ربيعيه بيضاء..عبيرها الرقيق ازكم انفها..امسكتها ثم وضعتها بين جنبات الكتاب..وصوت فيروز فى اغنية بكتب اسمك ترن فى اذنيها..راحت تدندن بصوت خفيض..وهديتنى ورده فرجيتالاصحابى خبيتابكتابى زرعتا ع المخده..تذكرت انها مازالت فى جنبات الفصل ..نظرة من شريكتها فى المقعد الخشبى العتيق بعثت الاحمرار الى وجنتيها
عادت من جديد تختلس النظر اليه..منذ اعوام وهى تفعل نفس الشىء..من خلف زجاج نافذة غرفتها حيث يقطن فى المنزل المجاور وايضا فى مدرستها حيث يجلس فى المقعد المجاورايضا
خبط المعلم بقبضته فوق المنضده الخشبيه امامها..استفاقت من شرودها لكنها لم تلبث ان عادت للشرود من جديد
راحت اناملها تعبث بوريقات الزهره المختبئه بين صفحات الكتاب..هل تنزعها عن عودها الاخضر وهى تسالها ان كان يحبها اولا..؟لم يطاوعها قلبها على فعل ذلك..
قال المعلم اشياء لم تفهمها..لكنها وقفت لم تعرف بما تجيب هى لم تسمع شىء سوى صوت انفاسه الآت من التخته التى تليها..
انقذها صوت جرس الفسحه..دبت السعادةفى اوصالها..لملمت دفاترها وامسكت بين اناملها زهرتها البيضاء..ستخبره..نعم الآن ستخبره..سارت برفقة زميلتها التى تشاركها المقعد الخشبى ..حينما غادرتا الفصل لمحت على شفتيه ابتسامه وبين انامله زهرة بيضاء..رقص قلبها فرحا..هل تنتظر ان يمنحها زهرته اولا ام تفعل هى.؟.لم تطق صبرا..اتجهت اليه واتجه اليها ليلتقيا فى نصف الطريق فيمد بالزهرة البيضاء يده الى زميلتها..ومعها ابتسامته التى ظنتها لها منذ قليل..سقطت زهرتها الربيعيه على الارض الخشنه..ومن اذنيها سقط صوت فيروز وكل احساس لديها

من سطور يومياتى.حلاوة اول مرتب

النهارده يوم تاريخى....
كنت اسمع من امى دوما كلمة ان التعب حلاوته مره..تقصد تعب الشغل..نعم تحملت الكثير فى الشهر الماضى..حتى اننى كنت قد شعرت للحظات كثيره ان حبى للرسم قد اصبح بعد تحويله الى مهنه عبء ينوء ظهرى بحمله..وكان لابد من التحمل..ليس لانى فى حاجة للعمل....بل لان حاجتى الى العمل هى لاثبات وجودى..واليوم تسلمت اول مرتب..كم هو جميل ان تشعر بثمرة جهدك..ان تشقى وتتعب لتاخذ بعدها مكانتك ومعها نتائج مجهودك
انه شعور يشبه تماما المذاق المر المسكر..مثلما تقول امى..
بالطبع امى لم تصدق مدى فرحتى وهى ترى ابتسامه اكبر من تلك الابتسامه التى تراها دوما على وجهى..لم يكن مبلغا يستحق تلك الابتسامه..انما نظرة اشقائى لى منذ اول يوم عمل..مش متخيلين ان البنوته السفيفه دى هتكون ميس..هههههههههه
وبالطبع تحلق حولى الجميع اليوم بعد ان وصلهم خبر قبضى لاول مرتب فأتوا جميعا من كل حدب وصوب..شقيقاتى المتزوجات قامت كلا منهم بمهاتفة الاخرى وتم الاتفاق على عمل كبسه علينا
بالطبع لم يفاجئنى حضور جيش مصر كما اسميه من شقيقاتى واشقائى بأزواجهم وزوجاتهم وبالطبع معهم ال16حفيد ليصبح منزلنا مهرجان كبير..كل ده عشان اول مرتب..؟
لا ليس ذلك هو ما اتى بهم بل لان البنوته الصغيره اشتغلت ووقفت على رجليها..ونتيجة تعبى جاء اول مرتب..
اليوم سنصنع وليمه ارجو ان تكفى القطيع..طبعا ده بمرتبى كله..لكن لا يهمنى هذا يكفى ان نجتمع سويا مجددا..شقيقات واشقاء والاحفاد ومعنا امى..وابتسامة كبيره على وجوهنا..
حلاوة اول مرتب ليها طعم خاص..والجدير بالذكر انها جاءت بعد تعب مما زاد من حلاوتها..
التعب حلاوته مره بس يستاهل
واتفضلوا معانا